Menıŋ dostyǧymda sailauda boikotty qoldap otyrǧan aǧalar, saiasi sauatty kısıler bar eken, olardyŋ ūstanymyna qūrmetpen qaraimyn. Bıraq ol kısılerge kökeide jürgen bır auyz sözımdı aita ketsem ba deimın. Ony olar qalai qabyldaidy, özderı bılsın. Būnymdy "jelıdegı aqylsynǧan bır kögala qyrttyŋ aqyly" dep şyrt tükırıp qoia salsa da renışım joq.
Menıŋşe elımızde halyq soŋǧy kezde tym saiasi belsendı, būl fakt. Soŋǧy ekı - üş jylda bilık pen halyqtyŋ syrt közge bılınbeitın teketıresı boldy da, bızdıŋ bilık halyqpen köp kompromisske tüsıp, bıraz basymdylyqtarynan aiyrylyp qaldy.
Qazır äldenege narazy halyq jinala salu degen närse "şes sekunt" - Sairagülge bırıge salady, köpbalaly analar äkımderdıŋ jaǧalarynan alyp jatyr, odan ärı jer mitingısı, armiandarǧa narazy bolsa degenı bar, taǧy basqa köptegen toptasu....
Ana iutubke bır jarty saǧat otyrsaŋyz jūrt bılmeitın nebır halyqtyŋ toptasuyn, aiqaiyn, sotyn, ūranyn bärın köresız.
Halyq örekpıp jür.
Menıŋ dalada, köşede, poiyzda, ūşaqta köretınım - iutubtegı oppozisiialyq arnalardy qosyp qoiyp, orysşa, qazaqşa sony ūiyp tyŋdap otyrǧan jūrtşylyq, sony talqylap otyrǧan adamdar.
Taksige otyra qalsam, mındettı türde saiasi narazy taksistke otyryp, "saiasi sauatym aşylady". Köşede de sol, bazarda, dalada, bükıl jerde küŋkıldegen halyq. Al internet, jelı, iutub tıptı jarylyp jatyr.
Būl halyq uje özıne ne kerek ekenın bıledı. " Qūlannyŋ qasuyna myltyqtyŋ basuy" demekşı endı osy sailau būl halyqtyŋ yŋǧaiyna, talabyna oŋ kelıp otyr. Jalyndy oppozisioner bolmasa da kandidattar arasynan bilıkke qarsy közqarastaǧy Qosanovty körgesın, būǧan deiın är arnada aqqan su, bır arnaǧa qūiylyp halyq qazır telegei teŋızge ainalyp barady.
Eger bızdegı bilık ökılderı oǧan böget qoiyp, osy halyqty ary qarai būryŋǧydai aldap - sulap, uqit - suqit qylyp basqaryp otyra beremız dep oilaityn bolsa, olar qatty qatelesedı jäne sondai taiaz oiy men aqymaqtyǧy üşın būlar odan (halyqtan) myqtap taiaq jeidı. Sebebı, (men mynany ülken ärıptermen jazyp qoiaiyn) QAZIR HALYQ BAIаǦYDAI EMES, BASQA! ÖZGERIP KETTI!
Endı ekı jaq osyndai jaǧdaida otyrǧan tūsta būl sailau bilıktı qatty sastyryp otyr, būǧan da kümänım joq.
Sondyqtan Qosanov dauy, tıptı sol Qosanovtyŋ özı aŋdamai äldebır prosessterdıŋ bastamasy bolyp ketuı mümkın. Būny da eskerıŋızder. Ämırjan mümkın naşar saiasatker bolar, bıraq onyŋ artyna kädımgıdei örekpıgen, asqan - tosqan telegei teŋız jinalyp qaldy, būl faktormen sanasu kerek. Öitkenı jūmyr jer betınde bır maqsatpen bırıgıp, äldenege betalǧan teŋızdei tolqyǧan halyqty jeŋgen küş joq.
Oljas Äbıl
