10 qarashada Qazaqstan men Qytaı arasynda vızasyz rejım kúshine endi, dep habarlaıdy «Adyrna» tilshisi.
Tıisti kelisimge eki eldiń úkimeti Sıanda qol qoıdy. Qujatqa sáıkes, eki eldiń azamattary jeke ister, týrızm, emdeý, halyqaralyq tasymaldar, tranzıt, sondaı-aq iskerlik maqsattardy iske asyrý úshin vızalyq talaptardan bosatylady.
Bul rette azamattardyń memleket aýmaǵynda bolý merzimi 30 kúnnen aspaýy qajet. Al elge jarty jyl ishinde birneshe ret barǵan jaǵdaıda 90 kúnge deıin vızasyz júrýge ruqsat.
