Tarazda júkti kelinshektiń basyna baǵdarsham qulap, saldarynan basynan soqqy alǵan, dep habarlaıdy «Adyrna» ulttyq portaly.
KTK arnasynyń málimetinshe, Tarazda kólik baǵdarshamǵa túıisip, jol apaty oryn alǵan. Baǵdarsham kelinshektiń basyna tústi. Sonyń saldarynan bolashaq ana qulap, esin joǵaltqan. Al júrgizýshi oqıǵa ornynan qashyp ketken.
Oqıǵa qaladaǵy kólik kóp júretin kóshelerdiń birinde oryn alyp, baqylaý kamerasyna túsip qalǵan. 21 jastaǵy kelinshek joldy kesip ótpek bolyp, baǵdarshamnyń jasyl janǵanyn kútken. Osy kezde kólik baǵdarshamǵa qatty jyldamdyqpen kelip, ol júkti áıeldiń basyna qulaǵan.
Polıııa qashyp ketken júrgizýshini tapty. Kólik aıyp turaǵyna jetkizildi, al er adamǵa birden eki aıyppul salyndy.
“2002 jylǵy kelinshek apatqa ushyrap, tańerteń aýrýhanaǵa tústi. "Mı shaıqalý" dıagnozy qoıylyp, neırohırýrgııalyq bólimshege jatqyzyldy. Mańdaı aımaǵynyń teri astynda gematoma paıda boldyy. Otasyz tolyq jazylady. Qazirgi ýaqytta naýqastyń jaǵdaıy ortasha aýyrlyqta. Júktiliktiń 10-aptasy jalǵasýda”, – dep málimdedi Taraz qalasyndaǵy kópsalaly aýrýhana bas dárigeriniń orynbasary Sáken Jumashev.
«Adyrna» ulttyq portaly
