30 mamyrda Qaraǧandy oblysynyŋ Atasu auylynda belsendı Ǧaly Baqtybaevty soŋǧy saparǧa şyǧaryp saldy. Ol 28 mamyrynda kısı qolynan qaza bolǧan. Baqtybaev 20 jyldai Jaŋaarqa audanynda tūrǧyndar qūqyǧyn qorǧap jürgen.
Transparency Kazakhstan qoǧamdyq qory Qazaqstan bilıgın Baqtybaevtyŋ ölımın aşyq tergeuge şaqyrdy.
"Monopolisterdıŋ zaŋsyz şeşımderı jäne jemqorlyqpen küresıp jürgen belsendınıŋ qazasy – Qazaqstannyŋ azamattyq qoǧamyna soqqy. Osyndai oqiǧalardan keiın adamdar qoǧamdaǧy zaŋsyzdyqtar men mäseleler jaily aşyq aituǧa qorqady" dep jazylǧan qordyŋ mälımdemesınde.
29 mamyrda Qaraǧandy oblysynyŋ polisiia departamentı Ǧaly Baqtybaevtyŋ ölımın tekserıp jatqanyn habarlaǧan. Polisiia küdıktı ūstalǧanyn, ia ūstalmaǧanyn aşyp aitpady.
28 mamyrda Qaraǧandy oblysy Jaŋaarqa audany Atasu auylynda jergılıktı belsendı Ǧaly Baqtybaevty belgısız bereuler atyp ketken. Qaraǧandyda tūratyn azamattyq belsendı Aitqoja qazadan bırneşe ai būryn Ǧaly Baqtybaevqa qastandyq jasalǧanyn aitqan. Fazylov "Biyl aqpanda Baqtybaevtyŋ üiıne betperde kigen äldekımder basyp kırıp, ūryp ketken soŋ belsendı auruhanada jatty" degen.
"Azattyq" radiosy
