Qazaqstannyŋ Tūŋǧyş Prezidentı Nūrsūltan Nazarbaevtyŋ resmi saity köŋıl aitu jaŋalyǧymen tolyqty, dep habarlaidy “Adyrna” ūlttyq portaly.
11 mausymnan keiın Qazaqstanda ötken oqiǧalardyŋ bırınde de qozǧalmaǧan sait Nūrsūltan Nazarbaevtyŋ ınısı Bolat Nazarbaevtyŋ qaitys boluyna bailanysty kelıp tüsken köŋıl aitu jedelhattaryn jariialady.
Aqparat boiynşa, Memleket basşysy Q.Toqaev, Premer-ministr Ä.Smaiylov, Parlament palatalarynyŋ spikerlerı, sonymen qatar, Astana jäne Almaty qalasynyŋ, bırqatar öŋırdıŋ äkımderı köŋıl aitqan.
Özbekstan Respublikasynyŋ Prezidentı Ş.Mirzieev B.Nazarbaevtyŋ qaitys bolǧany turaly qaiǧyly habardy qatty qaiǧyra qabyldady. «Alladan marqūmdy panasyna aluda, al Sızge jäne otbasy müşelerıŋızge sabyr tıleimın», - delıngen Özbekstan basşysynyŋ jedelhatynda.
Täjıkstan Respublikasynyŋ Prezidentı E.Rahmon öz sözınde Nūrsūltan Nazarbaevqa köŋıl aityp, jyly sözımen jūbatyp, qoldau bıldırgen. «Sızge jäne otbasyŋyzdyŋ barlyq müşesıne sabyr men quat tıleimın», - delıngen hatta.
BAÄ Premer-Ministrınıŋ orynbasary şeih Mansur ben Zaid Äl Nahaian Qazaqstannyŋ Tūŋǧyş Prezidentıne: «Alla sızge jäne otbasyŋyzǧa osy auyr qazany eŋseruge küş bersın», - dedı.
Tatarstan Respublikasynyŋ basşysy R.Minnihanov özınıŋ jedelhatynda: «Ajal qaiǧy men quanyşta janyŋyzdan tabylǧan, talai ömır jolynan ötken jaqyn ärı qymbat adamdy alyp kettı», - dep jazdy. «Bırge ömır sürgen jyldaǧy jarqyn estelıkter, tuystar men jaqyndaryŋyzdyŋ, adal dostaryŋyzdyŋ janaşyrlyǧy men qoldauy osyndai sätte Sızdıŋ qaiǧyŋyzǧa ortaqtasyp, jeŋıldetuge kömektessın», - dep tıledı Tatarstan Raisy.
Qazaqstannyŋ Tūŋǧyş Prezidentıne bırqatar halyqaralyq ūiymnyŋ ökılderı, sonyŋ ışınde ŪQŞŪ Bas hatşysy İ.Tasmaǧambetov, EQYŪ-nyŋ az ūlttar ısterı jönındegı joǧarǧy komissary Q.Äbdırahmanov, Europalyq qaita qūru jäne damu bankınıŋ būrynǧy basşysy Suma Chakrabarti jäne t.b. köŋıl aitty.
Būǧan qosa, Qazaqstannyŋ Tūŋǧyş Prezidentınıŋ atyna saiasi jäne qoǧam qairatkerlerınen, deputattyq jäne diplomatiialyq korpustar ökılderınen, elımızdıŋ dıni qyzmetkerlerı men biznes qoǧamdastyǧynan, sonymen bırge, Qazaqstan halqynan köŋıl aitu jedelhattary joldandy.
Sondai-aq, aqparat közı, avtorlar jedelhattarynda ūzaq jyl boiy Bolat Äbışūlynyŋ qoǧamdyq jäne qaiyrymdylyq jūmystaryna belsendı aralasqanyn atady.
“Atap aitqanda, onyŋ bastamasymen qūrylǧan «Saliqaly Ūrpaq» qory 2016 jyldan bastap bılım beru, densaulyq saqtau, halyqtyŋ osal tobyna qoldau körsetu syndy qaiyrymdylyq jobalaryn jüzege asyrǧan. Sonymen qatar, Qor 2022 jyly el Prezidentınıŋ bastamasymen qūrylǧan «Qazaqstan halqyna» äleumettık qoryna 1 mlrd teŋge audardy.
Halyq ony aşyq, adal ärı jomart adam retınde eske aldy, onyŋ jarqyn beinesı bıletınderdıŋ jadynda mäŋgı qalady”, delıngen saitta.
Aita keteiık, būǧan deiın jariialanǧan aqparattarda 11 mausym Abai oblysyndaǧy qaiǧyly jaǧdaiǧa bailanysty qaza tapqan orman şaruaşylyǧy qyzmetkerlerınıŋ otbasyna köŋıl aitylsa, 10 mausym Nūrsūltan Nazarbaev memleket qairatkerı Berdıbek Saparbaevtyŋ ömırden ötuıne bailanysty auyr qaiǧyǧa ortaqtasqany jariialanǧan.
