Atyraý qalasynyń balalar oıyn alańdaryn kútip ustaý úshin bıýdjetten 236 228 437 teńge qarjy bólindi, - dep habarlaıdy Adyrna ulttyq portaly satypalu.gov.kz/ saıtyna silteme jasap.
Tenderge tapsyrysty Atyraý qalalyq turǵyn úı-kommýnaldyq sharýashylyǵy jáne turǵyn úı ınspekııasy bólimi bergen. Memlekettik satyp alýdy uıymdastyrýshy Atyraý oblysynyń qarjy basqarmasy memlekettik mekemesi.
«Atyraý qalasynyń balalar oıyn alańdaryn kútip ustaý» degen taqyryppen 15 qarasha kúni jarııalanǵan tenderdiń jeńimpaz 22 qarasha kúni anyqtalady.
Tehnıkalyq sıpattamada Atyraý qalasynda qansha oıyn alańy bar ekeni kórsetilmegen. 2024 jyldyń 31 jeltoqsanyna deıin balalar oıyn alańdaryn kútip ustaý úshin naqty ne istelý kerektigi de túsiniksiz.
Qarańyz: «Tastardy jınaý jáne túpteý – 22,1 mZ, Ýchaskeni qoqystan on ret tazartý - 22 100 m2, Qumsalǵyshty qummen toltyrý – 44,2 m2, Metall qorshaýlardy usaq jóndeý – 17,68 m2, t.b» dep jalǵasyp kete beredi.
Uzyn-sonar tehnıkalyq sıpattamadan Atyraý qalasynda 40 oıyn alańy bar ekenin baıqaýǵa bolady. Alańdardy kútip ustaý úshin bıýdjetten 236 mıllıonnan asa qarjy jumsalyp otyrǵandyqtan atqarylatyn jumystyń kólemi, sany, jospary, taraptardyń mindeti, barlyǵy derlik taıǵa tańba basqandaı kórinip turýy kerek emes pe? Onyń biri de joq.
Sonda Atyraý qalalyq turǵyn úı-kommýnaldyq sharýashylyǵy jáne turǵyn úı ınspekııasy tender jeńimpazynan esepti qalaı alady? Bizdi osy saýal mazalaıdy...
Qanat Birlikuly
Adyrna ulttyq portaly
