Nūr-Sūltan qalasynda taŋerteŋnen berı narazylyq bıldırıp jatqan köp balaly analardy polisiia qorşauǧa aldy. Olar Aqordanyŋ aldyndaǧy alaŋda tūr. Ondaǧan analar eger keşkıge deiın prezident pen ükımet jetekşısı kelmese özderınıŋ aştyq jariialap, tūrǧan jerınnen ketpeitınderın aitady.
Nūr-Sūltan qalalyq polisiia departamentı basşysynyŋ bırınşı orynbasary Baqytjan Malybaev "polisiia jasaǧy analardy nege qorşauǧa aldy" degen sūraqqa bylai jauap berdı.
- Adamdar kelgen soŋ ükımet ökılderı şyǧyp bärın tüsındırdı. Endı adamdar tüsınıp zaŋ retınde qarau kerek qoi. Myna alaŋda bıreuge qastandyq ıstep ketse ne bolady?! Bızdıŋ qyzmetkerler būl kısıler taraǧanşa tūrady, - dedı polisiia ökılı.
Jinalǧan analarǧa kei tūrǧyndar su äkeldı, bıraq poliseiler olardyŋ suyn alyp özın qorşauǧa ötkızbei qoidy. Bıraq olardyŋ ne üşın jıbermegenın poliseiler tüsındırmedı.
"Azattyq" radiosy
