Resei Federasiiasynda gubernator bolǧan Amangeldı Töleev 80 jasqa qaraǧan şaǧynda ömırden ozdy. Būl turaly Telegram-arnasynda Kemerovo oblysynyŋ qazırgı gubernatory Sergei Sivilev jazdy, dep habarlaidy ”Adyrna” ūlttyq portaly.
"Aman Töleev ömırden öttı. Ol 1997 jyldan 2018 jylǧa deiın Kemerov oblysynyŋ gubernatory boldy. Aşyq-jarqyn, bırtuar azamat edı. Sanaly ǧūmyryn Resei men Kuzbasqa qyzmet etuge arnady," - dep jazǧan Sergei Sivilev.
"Aman" atalyp ketken Amangeldı Töleev gubernatorlyq qyzmettı 20 jyldan astam atqardy. Ol eks-prezident Boris Elsin öz erkımen qyzmetten ketkennen keiıngı prezident sailauyna kandidat retınde qatysyp, baq synaǧan. El ışınde "halyqtyq gubernator" delınetın Töleev sonda 11 ümıtkermen bäsekelesıp, sailauda törtınşı oryn alǧan.
2018 jyly "Zimniaia vişnia" sauda ortalyǧynda bolǧan örtten keiın gubernatorlyqtan ketken. Sol jyly Kuzbass käsıbıi bılımdı damytu aimaqtyq institutynyŋ rektory bolyp taǧaiyndalǧan.
Keibır mälımetterge qaraǧanda marqūmnyŋ Kemerov qalasyndaǧy № 1 ortalyq ziratynda ūlynyŋ janyna jerlenuı mümkın ekenı aitylady.
Ūqsas jaŋalyqtar
