Tötenşe jaǧdailar ministrlıgı elektromobilderdı zariadtau stansiialaryna qoiylatyn talaptardy äzırledı, - dep habarlaidy "Adyrna" tılşısı Tötenşe jaǧdailar ministrlıgınıŋ baspasöz qyzmetıne sılteme jasap.
Vedomstvo elektr kölıkterı men olardy zariadtau stansiialaryn qauıpsız paidalanu mäselelerın şeşu boiynşa jūmys jürgızılıp jatqanyn habarlady. Azamattyq qorǧau salasyndaǧy qoldanystaǧy zaŋnamaǧa säikes, ministrlıkte elektr kölıkterıne arnalǧan elektr zariadtaǧyştaryn basqaruǧa rūqsat beru qarastyrylmaǧan. Vedomstvo atap ötkendei, qazırgı uaqytta elımızde elektr kölıkterıne arnalǧan elektr zariadtaǧyştarynyŋ qauıpsız jūmys ısteuın anyqtaityn talaptar joq.
Tötenşe jaǧdailar ministrlıgı elektromobilder men zariadtau stansiialaryn (AQŞ, Kanada, Meksika, Niderlandy, Şveisariia, Germaniia, Ūlybritaniia jäne Resei) paidalanu boiynşa şet elderdıŋ täjıribesın zerttedı.
Ministrlık Resei men Norvegiia täjıribesıne süiene otyryp, elektr kölıkterı men olardy zariadtau stansiialaryna qoiylatyn talaptardy äzırlep, qūrylys normalaryna engızu üşın İndustriia jäne qūrylys ministrlıgıne jıberdı. Sonymen qatar, Syrtqy ıster ministrlıgıne Qytai men Türkiiadan elektr kölıkterı men olardy zariadtau stansiialaryn tūraqtarǧa ornalastyru boiynşa normativtık talaptardy alu turaly sūranys jıberıldı.
Ǧabdullin atyndaǧy Azamattyq qorǧanys akademiiasynda litii-iondyq akkumuliatorlardyŋ qūramyn, olardyŋ ädısterı men ört söndıru täsılderın baqylau boiynşa zertteuler jürgızılude. Sondai-aq Tötenşe jaǧdailar ministrlıgı Sauda jäne integrasiia ministrlıgıne elektromobilder men olardy zariadtau stansiialaryna qatysty tiıstı standarttardy qabyldau qajettıgı turaly ūsynys joldady.
«Osy baǧyttaǧy jūmystar belsendı jürgızılude, jaqyn arada memlekettık organdar Qazaqstan Respublikasynyŋ normativtık qūqyqtyq aktılerıne jäne normativtık-tehnikalyq qūjattamalaryna barlyq qajettı tüzetulerdı, sonyŋ ışınde Ört qauıpsızdıgı qaǧidalaryna keiıngı özgerıster men tolyqtyrulardy engızedı, », - dep habarlady ministrlık.
Eske sala keteiık, būǧan deiın tötenşe jaǧdailar ministrlıgı jabyq tūraqtarda kölıkterge akkumuliator quattaǧyştaryn ornatuǧa tyiym salynǧanyn mälımdegen bolatyn.
Ūqsas jaŋalyqtar
