Mektep därethanasynda su joq ekenın aitqan qyzmetker jūmysynan quyldy, dep habarlaidy "Adyrna" tılşısı.
12 qazan künı Aqtöbe oblysynyŋ äkımı Ashat Şaharov jūmys saparymen Yrǧyz öŋırıne barǧan. Ol aimaqtaǧy äleumettık nysandar qūrylysymen tanysyp, Yrǧyzdaǧy auyl mektepterı men problemalyq nysandardy aralady.
Nysandardyŋ bırınde su mäselesı bolǧan eken. Äkım men oblystyq bılım beru mekemesınıŋ basşysyna 300 oryndyqty gimnaziiada sudyŋ joqtyǧyn aitqan eden juuşy äiel jūmysynan aiyrylǧan.
“Mıne, qaraŋyz, su aǧyp tūrǧan joq”, – degen Möldır Ǧapyz sudy aǧyzbaq bolady, alaida sudyŋ şynymen de joq ekenın basşylyq köredı.Alaida bırneşe uaqyttan keiın şyndyqty aitqany üşın qyzmetkerdı jūmystan şyǧaryp jıbergen. Möldır Ǧapyz:
“Otbasymda men ǧana jūmys ısteimın. Anam – zeinetker, ūlym – erekşe kütımdı qajet etetın bala. Bıraq men memlekettık organdarda jūmys ıstei almaimyn, sebebı menı bap boiynşa jūmystan şyǧaryp, balam turaly jeke mälımetterım taratyldy”, – deidı.Alaida basşylyq qyzmetkerdıŋ jūmysyna salǧyrttyq tanytyp, ekı kün ornynda bolmaǧanyn aitady.
“Möldır Ǧapyz jalǧyzbasty ana, 6-synypta oqityn balasy bar, anasymen bırge tūrady. Ol 13-14 qaraşa aralyǧynda belgısız sebeptermen ekı kün jūmysta bolmaǧan. Sondyqtan gimnaziia direktory oǧan hat jazyp, poşta arqyly jıberdı. Qyzmetkerdıŋ jūmys ornynda sebepsız bolmaǧany, jūmysqa jauapsyz qaraǧany üşın gimnaziia direktory G.Nūrmanovaǧa tiıstı zaŋ aiasynda jūmystan bosatu şarasy qoldanyldy”, – dep tüsındıredı Yrǧyz audany äkımınıŋ orynbasary Aibek Öksıkbaev.
Ūqsas jaŋalyqtar
