Marǧūlan Seisembai. Sailau qalai öttı?

Dostar, keşe QR prezidentiniŋ sailauy ötti. Men köp jyldan beri sailaularǧa jäi ǧana küäger retinde qatysyp jürdim. Meniŋ/sizderdiŋ nemqūrailyǧym biz negizgi demokratiialyq qūndylyqtardan aiyrylǧanymyzǧa äkelip soqty. Men būryn sailaudyŋ jalǧandyǧy, ädiletsizdigi turaly köp estitinmin. Biraq meniŋ özimniŋ oǧan közim jetpegendikten, oǧan işki senimdilik bolmaǧandyqtan men ündemedim. Būl joly men bärin öz közimmen körip öz-özime eŋ maŋyzdy sūraqqa jauap tapqym keldi. Ol sūraq - osy sailau jüiesi halyqtyŋ talabyn dūrys jetkize me joq pa? Ol üşin men täuelsiz baqylauşy bolyp tirkelip özim senetin adamdardy da baqylauşy boluǧa şaqyrdym. Meniŋ 494 uchaskemde bäri keremet äri möldir türde ötti. Men barlyq jerge basymdy sūǧyp bärin tekserdim. Taŋǧy saǧat 5-50-ten tüŋgi saǧat 23-16-ǧa deiin bärin tolyqtai baqyladym. Uchaske men seifti aşqanda biulleten sanyn özimiz sanap aldyq. Kün bitkende qoldanbaǧan biulletenderdi joidyq. Barlyq berilgen dauystardy mūqiiat sanadyq. Artyq biulleten syrttan tastalǧan joq. Bes adam ǧana özderiniŋ dauystaryn fotoǧa tüsirip özderiniŋ basşylaryna jiberdi. Mende meni arnaiy tynyş uchaskege jiberdi degen küdik tudy. Meniŋ uchaskemniŋ dauys beru uderisiniŋ ädilettigine men 99,99% kepil bere alamyn. Tömengi fotoda meniŋ 494 uchaskemniŋ nätijesi birinşi bolyp tūr. Men taǧy da 5 votsap baqylauşylar toptarynda tirkelgen soŋ, men olardyŋ işinen özimniŋ senetin baqylauşylarym bar 19 uchaskeleriniŋ nätijesin alyp saraptadym. Olardyŋ uchaskeleriniŋ nätijesine men 90% senemin. Qorytyndy kestesin tömeŋgi fotodan qaraŋyz. Barlyq mälimetter naqty sailau komissiialarynyŋ protokoldarymen däleldeŋgen. Endi jalpy äserlerim jöninde. Keşe men sailau jüiesiniŋ işki asüiinde bolyp şyqtym. Köptegen asüilerdegidei, onyŋ işinde köriksiz dünieler öte köp. Birinşiden, Ortalyq sailau komissiiasynyŋ sailauşylar belsendiligi jönindegi mälimetter men täuelsiz baqylauşylary bar uchaskelerdiŋ mälimeti jer men köktei. Aiyrmaşylyǧy eki esege deiin bardy. Aqparat jöninde, bizdiŋ barlyq baqylaǧan uchaskelerimizdiŋ belsendiligi 32,58% boldy. Ekinşiden, sailau üderisiniŋ erejelerin būzuşylyqtardyŋ köptigin jäne ol Almaty qalasynda bolyp jatqanyn eskersek, barlyq Qazaqstan boiynşa sailauda qanşama būzylym men jalǧandyq bolǧanyn tüsinuge bolady. Üşinşiden, votsaptaǧy habarlar boiynşa, būrmalaudyŋ basym böligi joǧary oqu oryndary, memlekettik mektepter, biudjet qyzmetkerleri, auyl öŋirleri men pogon kigenderden boldy. Törtinşiden, eŋ jii kezdesken zaŋdy būzuşylyq ol mekeme basşylarynyŋ özderiniŋ qaramaǧynda isteitin jūmyskerlerge jasaǧan qysym. Olardyŋ qalai dauys bergenin fotoǧa tüsirtkizu. Besinşiden, jalpy sailau zaŋy boiynşa sailau üderisi jaqsy jazylǧan. Mäseleniŋ barlyǧy baqylauşylardyŋ azdyǧynda, ne olardyŋ passivti nemqūrailyǧynda. Biz, qoǧam bolyp, özimizdiŋ nemqūrailyǧymyzben sailau uchaskelerinde bolatyn zaŋsyzdyqqa jol beremiz. Baqylauşylardyŋ qoldarynda köp närse bar! Men oǧan öz közim äbden jetti. Endi nätijeler jöninde. Men özim senetin baqylauşylary bar 20 uchaskelerdiŋ nätijesin taldadym. Jalpy sailauşylar sany 46 547 boldy. Sailauǧa 15 167 adam nemese 32,58% qatysty. Toqaevqa 6 943 adam nemese 45,78% dauys berildi. Qosanovqa 6 576 adam nemese 43,36% daus berildi. Qalǧandaryna 1 107 adam nemese 7,3% daus berildi. Osy mälimetterge süiensek onda 20 uchaskelerdiŋ nätijesi boiynşa ekinşi tur bolu kerek. Aitpaqşy, eger boikotşylar sailauǧa qatysqanda, Qosanovtyŋ birinşi turda jeŋuge äbden mümkindigi boldy. Men boljaǧandai, boikotşylar Toqaevtiŋ müddesine oinady. Sizderdiŋ esteriŋde bolar, men sailaudyŋ basynda, Boreiko jurnalisine bergen suhbatymda Toqaevqa 69% jasaidy, al Qosanovqa 15% beredi degen boljam jasaǧanmyn. OSK mälimdemesi boiynşa solai boldy. Sailau jüiesiniŋ işinde bolyp şyqqan soŋ men özime köp närseni tüiip tüsindim. Elimizge tereŋ saiasi reformalar kerek. Men oǧan at salysyp qolymnan kelgenniŋ bärin jasaimyn. Bizde endi eki-aq jol qaldy, ol saiasi reformalar nemese alaŋǧa şyǧu. Saiasi reformalardy bastau üşin bizde uaqytta köp emes, olardy 3-5 ai işinde bastau kerek. Olai istemese halyqty alaŋnan eşkim toqtata almaidy. Sondyqtan bilik sony eskerip qadam jasau kerek, äitpese küzimiz ystyq bolaiyn dep tūr.