Almaty qalalyq polıııa departamenti dúısenbide aıtys aqyny Rınat Zaıytov ustalǵannan keıin bolǵan jaıtqa baılanysty túsinikteme berdi.
Polıııa departamenti Facebook paraqshasynda jarııalaǵan habarlamasyndadúısenbi kúni keshke qaraı Alataý aýdanynda ruqsat etilmegen mıtıngiden ustalyp, polıııaǵa jetkizilgen Rınat Zaıytovpen túsindirý jumysyn júrgizgennen keıin ony úıine qoıa bergenin aıtady.
"Arada biraz ýaqyt ótkende polıııa departamentiniń aldyna bir top adam jınalyp, Rınat Zaıytovpen kezdesýdi talap etti. Olarǵa Zaıytovtyń úıine ketkeni aıtylǵanymen jınalǵandar taraýǵa asyqpady" delingen habarlamada.
Polıııanyń aıtýynsha, bılik organdarynyń suraýymen Rınat Zaıytov ózimen kezdesýdi talap etip jınalǵan azamattarǵa jolyǵyp, "zańdy buzbaýǵa jáne quqyq qorǵaý organdarynyń zańdy talabyn oryndaýǵa" shaqyrǵan.
Rınat Zaıytov dúısenbi kúni saǵat 23:00 shamasynda polıııa departamenti mańyna ózin qoldap jınalǵandarmen kezdesip, olardyń taraýyn ótingennen keıin kóligine otyryp ketip qalǵany týraly Azattyq habarlaǵan.
Arada biraz ýaqyt ótkende Almatyda polıııa Tóle bı kóshesiniń boıynda ondaǵan adamdy ustaǵany týraly aqparat tarady. QazTAG agenttiginiń habarlaýynsha, "Alǵa, Rınat!", "Jasa, Qazaqstan!" dep aıǵaılaǵan adamdar mingen ondaǵan avtokólik kollonnasyn polıııa men arnaıy jasaq qýyp jetip, toqtatqan. Keıin polıııa men Ulttyq ulan sarbazdary "Saıran" avtovokzaly mańynda adamdardy ustaı bastaǵan.
Almaty qalalyq polıııa departamenti ázirge bul oqıǵa týraly túsinikteme bergen joq.
10 maýsymda Almatyda keshki saǵat 18.00 shamasynda Baýyrjan Momyshuly - Turar Rysqulov kósheleri qıylysyndaǵy Alataý teatry mańyna bir top adam jeksenbi kúni elde ótken kezekten tys prezıdent saılaýynyń resmı aldyn ala qorytyndysyna narazylyq bildirgen. Polıııa ol jerden ustap áketken ondaǵan azamattyń arasynda aıtysker Rınat Zaıytov ta bolǵan.
"Azattyq" radıosy
