11 jeltoqsan kúni Energetıka vıe-mınıstri Jandos Nurmaǵanbetov qyzmetinen ketti. Bul týraly Energetıka mınıstrliginiń baspasóz qyzmeti málimdedi, dep habarlaıdy “Adyrna” ulttyq portaly.
Nurmaǵambetovtiń elektr energetıkasy, jylý elektr stanııalary, jańartylatyn energııa kózderi salalaryn qadaǵalaǵany belgili.
Nurmaǵanbetov basshylyqpen janjaldasyp qalǵany úshin jumystan shyǵyp ketti degen qaýeset tarady. Osyǵan qatysty mınıstrlik túsinikteme berdi.
"Energetıka vıe-mınıstri Jandos Nurmaǵambetov 15 qarasha men 15 jeltoqsan aralyǵynda eńbek demalysyna shyǵyp, basqa jumysqa aýysýyna baılanysty keıin jumystan bosatyldy.
Vıe-mınıstr men vedomstvo basshylyǵynyń arasyndaǵy kıkiljiń týraly jelide taralyp jatqan aqparat shyndyqqa sáıkes kelmeıdi", – dedi energetıka mınıstrligi.
Aıta keteıik, Jandos Nurmaǵanbetov 2021 jyldyń 13 jeltoqsanynda energetıka vıe-mınıstri boldy.
1981 jyly Jambyl oblysynda dúnıege kelgen. Bóketov atyndaǵy Qaraǵandy memlekettik ýnıversıtetin, Halyqaralyq bıznes ýnıversıtetin, Qorqyt Ata atyndaǵy Qyzylorda memlekettik ýnıversıtetin, QMEBI-di bitirgen.
Eńbek jolyn 2003 jyly jeke qurylymdarda bastady.
- 2005-2010 jyldary - "Qyzylorda aımaqtyq elektr energetıkasy kompanııasy" AQ bas dırektory.
- 2011-2013 jyldary - Qyzylorda qalasy SPK UK AQ basqarma tóraǵasy.
- 2013-2019 jyldar aralyǵynda jeke kompanııada jumys istegen.
- 2020 jyldan bastap qazirgi ýaqytqa deıin "KEGOC" AQ strategııa jáne damý jónindegi basqarýshy dırektory qyzmetin atqardy.
