Audandar men Taraz qalasynda şaǧyn sport alaŋşalaryn salu mäselelerı turaly jiyn öttı

Bügın Jambyl oblysynyŋ äkımı Asqar Myrzahmetovtyŋ töraǧalyǧymen audandar men Taraz qalasynda şaǧyn sport alaŋşalaryn salu mäselelerı turaly jiyn öttı. Kün tärtıbındegı mäsele boiynşa oblys äkımdıgınıŋ sport jäne dene şynyqtyru basqarmasynyŋ basşysy Nūrbol Jünısbekov baiandama jasady.  Ol bügınde öŋırımızdegı qoldanysta barlyǧy 1185 sport alaŋşasy men ǧimaraty bar ekendıgın jetkızdı.  Onyŋ 423-ı futbol, 213-ı basketbol, 279-y voleibol alaŋşalary. Sondai-aq, basqarma basşysy audandar men Taraz qalasyna jürgızılgen zerdeleu jūmystarynyŋ qorytyndysyna toqtalyp, 203 nysanda ärtürlı deŋgeide aqaular anyqtalǧanyn aitty. Olar boiynşa jöndeu jäne retteu jūmystary aǧymdaǧy jyly jürgızılu kerektıgın tılge tiek ettı. Asqar İsabekūly anyqtalǧan 203 nysan boiynşa jan-jaqty taldau jūmystary  jetkılıksız deŋgeide jürgızılgenın basa aitty. Aqaudyŋ deŋgeiıne,  ony jöndeu men retteuge ketetın şyǧyndar qūnyna naqty taldaular joq. Öŋır basşysy qalpyna keltıru jūmystaryn tek biudjet esebınen ǧana emes, demeuşıler tarapynan nemese kommunaldyq mekeme esebınen jürgızudıŋ joldaryn qarastyrudy tapsyrdy. Būl boiynşa jospar kestesın qūryp, onda är nysannyŋ jöndeu jūmystarynyŋ aiaqtalar merzımın naqty belgılep,  kestege säikes qadaǧalau-baqylau şaralaryn ūiymdastyrudy jüktedı. Sondai-aq, oblys äkımı audandar  jäne Taraz qalasy boiynşa sport alaŋşalaryna degen qajettılıktı tez arada şeşu kerektıgıne nazar audartty. Bır alaŋşa aumaǧynda tek futbol ǧana emes, basketbol, voleibol alaŋşalaryn yŋǧailastyryp, ornatudyŋ maŋyzdylyǧyna toqtaldy. Būl būǧan deiın soǧylǧan jäne aldaǧy uaqytta boi köteretın sport nysandaryna da qatysty. Osy oraida kommunaldyq mekemelerdıŋ mümkınşılıgın paidalana otyryp, biudjet qarajatyn barynşa tiımdı jūmsaudy eskerttı. Jiynda köterılgen mäseleler boiynşa jauapty tūlǧalarǧa naqty tapsyrmalar jüktelıp, 10 kün uaqyt berıldı.