Shý aýdanyna qarasty Tóle bı aýyldyq okrýgindegi Muhtar Áýezov atyndaǵy shaǵyn ortalyqty orta mektebinde “Beıbit kúnniń batyry” atty mektep túlegi Erlan Tohtarbaıuly Raıymqulovtyń erligin nasıhattaý, azamattyǵyn úlgi etý, óskeleń urpaqqa patrıottyq tárbıe berý maqsatynda jıyn bolyp ótti, – dep habarlaıdy “ZhambylNews” Aqparattyq Agenttigi.
Jıynǵa Shý aýdany ákiminiń orynbasary Á.Á.Balqybekov,Shý aýdandyq qorǵanys isteri jónindegi bólim bastyǵynyń orynbasary Q.K.Bekseıitov taǵy da basqa shaqyrylǵan qonaqtar qatysty.
Eske salsaq, 2019 jylǵy 10 mamyr kúni 47762 áskerı bólimniń áskerı qyzmetshisi, mektebimizdiń túlegi, serjant Erlan Tohtarbaıuly Raıymqulov óz ómirin qaýip-qaterge tigip, sýǵa batyp bara jatqan balany qutqaryp,ózi qaıtys boldy.
Adam ómirin qutqarýǵa qatysty syn saǵaty soqqan kezde erlik pen qaısarlyq tanytqany úshin serjant Erlan Raıymqulov qaıtys bolǵannan keıin Qazaqstan Respýblıkasy Prezıdentiniń Jarlyǵymen “Jaýyngerlik erligi úshin” medalimen, óz ómirine tóngen qaýipti elemeı,adam ómirin qutqarýda batyldyǵy men janqııarlyǵy,jankeshtigi úshin “Tótenshe jaǵdaıdaǵy erligi úshin” tósbelgisimen marapattalǵan bolatyn.
