Almaty oblysy Gúldala aýylynda eki jeke turǵyn úıde gaz jaryldy, dep habarlaıdy "Adyrna" ulttyq portaly.
Talǵar aýdany ákimdiginiń baspasóz qyzmeti jeke turǵyn úıde gaz jarylyp, tórt adam zardap shekti. Qazir zardap shekkender aýrýhanaǵa jatqyzyldy.
"17 jeltoqsan saǵat 06:15-te Gúldala aýyly Baıtursynov kóshesi 67 meken-jaıyndaǵy jáne saǵat 08:20-da Gúldala aýyly, Súıinbaı kóshesi, 34 meken-jaıyndaǵy jeke turǵyn úılerde gaz-aýa qospasynyń órshýinen gazdyń jarylýy oryn aldy. Jarylys saldarynan 4 adam zardap shekti. Zardap shekkender aýrýhanaǵa jatqyzyldy. Jarylystyń aldyn ala sebebi – tabıǵı gaz qubyryndaǵy qysymnyń joǵarylaýy múmkindiginen bolýy boljamy bar. Naqty sebebin anyqtaý úshin Tótenshe jaǵdaılar departamentiniń anyqtaýshylary jumys júrgizýde", - dep málimdelgen Talǵar aýdandyq ákimdiginiń baspasóz qyzmeti.
Talǵar aýdanynyń ákimi Tanat Aıdarbekov oqıǵa ornyna baryp, oqıǵa saldarymen tanysty.
Gúldala aýyldyq okrýgi ákiminiń apparatyna jáne aýdandyq Tótenshe jaǵdaılar bólimine aldyn alý sharalaryn uıymdastyryp, turǵyn úılerdi aralap, tekserý jumystaryn qolǵa alýdy tapsyrǵan.
