Köşege köje ışeiın, nemese, kübıde qymyzdy pıseiın dep şyqqan joqpyn, vasap arqyly «Mahababt mitingısı bolady eken!» degen habarlandyrudy qūlaǧyma ılıp aldym da, jelıgıp, jetıp keleiın!
Mahabbat dertıne ūşyraǧandar qoldaryna bır–bırden jürek suretın, ürılgen jürek pışındes şarlaryn köterıp keledı eken! Aldyŋǧy qatarda kärı qyzdar, ekınşı qatarda mahabbatta joly bolmaǧandar, üşınşı qatarda mahabbatqa kedergı keltırıp jürgen oŋbaǧandar, törtınşı qatarda mahabbattan köŋılı qalǧan kempırler, şatyn şapalaqtaǧan şaldar...
–Mahababt demokratisy jasasyn!
–Elımızde qyz alyp qaşatyndar joiylsyn!
–Şeteldıkterge tigen qyzdar salyq tölesın!
–Mahabbat dertımen auyryp, mahabbat mügedegı bolǧandarǧa jeŋıldıkter berılsın!
Osyndai ūrandarmen ūralaǧan mahabbat şeruı mahabbat polisiiasynyŋ tosqauylymen aiaqtaldy. Jüregım auyryp, özım jaqsy köretın qyzdy ızdep kelemın. Äne, ol da mahabbat şeruıne qosyldy. Oǧan ūmtylamyn, ekı polisei jıbermeidı. Qaşyp ketıp edım, qualap jürıp ūstap aldy da:
–«Mahabbat» partiiasynansyŋ ba? –dep sūrady.
–Joq.
–Olai bolsa, mahabbat polisiia bölımşesıne jürıŋız!
–Ne üşın?
–Mahabbaty joq adamdar jazalanady. Mahabbat kodeksınıŋ 101 baby boiynşa.
–Jıberıŋızder, men üige bara jatyr edım. Menıŋ jüregımde mahabbat joq! –dedım men ädeiı. Poliseiler būl uäjıme qaramady. Özım ūnatqan süiıktımnıŋ közınşe tūtqyndap, mahabbat bölımşesıne alyp kettı. Qūdaiym–au, mūnda kımder bar deisızder me, keŋkıldep külgen kempırlerde, şiqyldap otyrǧan şaldar da, kürsınıp, küŋırenıp otyrǧan kärı qyzdar da osynda. «Mahabbat senıŋ ne teŋıŋ?» dep tergeidı bır kempırdı tergeuşı. Kempır keŋkıldep külıp: «Alǧaşqy mahabbatymdy ūmyta almai jürmın, qaraǧym!» deidı. Qysqasy, mahabbat şeruıne qatysqanym üşın jaza arqaladym: özım süimegen böten qyzben bır kameraǧa qamap, on segız ret zorlap süigızdı. Qyryq qyzdy bırtındep qūşaqtatty. Mūndai qorlyqqa şydai almai, şaşym aǧaryp, mūrtym güldep kettı. O, mahabbat, sen mäŋgı jasaisyŋ, adamdar arasynda! Mahabbatty tūtqyndauǧa bolmaidy!
Mūhtar ŞERIM
"Adyrna" ūlttyq portaly
