Oralda jol apatynan bir adam qaıtys boldy, dep habarlaıdy "Adyrna" tilshisi.
6 qańtar kúni keshki ýaqytta Oralda jol apaty boldy. Úsh kólik soqtyǵysyp, bes adam zardap shekti. Bir naýqas aýrýhanaǵa bara jatqan jolda kóz jumdy.
Batys Qazaqstan oblysynyń polıııa departamenti Oraldaǵy "Oqtan" janar-jaǵarmaı quıý beketi mańyndaǵy aınalma tasjolda úsh kóliktiń qatysýymen jol apaty bolǵanyn málimdedi.
"Jol apatynan bes jolaýshy zardap shekti. Olar aýrýhanaǵa jetkizildi. Bir jolaýshy aýrýhanaǵa bara jatqan jolda qaıtys boldy", - delingen habarlamada.
Qazir Qylmystyq kodekstiń 345-babynyń 3-bóligi boıynsha sotqa deıingi tergeý amaldary bastalǵan.
