İmam Ersın Ämıre özınıŋ uaǧyzdarynyŋ bırınde treningter men kurstar ötkızetın oramaldy kouchtardy “şaitanǧa” teŋedı, dep habarlaidy “Adyrna” tılşısı.
Ersın imam “oramaldy şaitandar” otbasynyŋ būzyluyna tıkelei äser etedı dep pıkır bıldırdı:
«Sızdıŋ ata-anaŋyzǧa qūrmetpen qarauǧa tärbielemegen bolsa, onda odan qaiyr joq. Onda eşqandai jaqsylyq joq. Qazır, ökınışke qarai, oramaldy taǧyp alǧan... Mümkın būl äŋgıme artyq bolar. Oramaldy şaitandar deuge bolady. Ökınışke qarai, sondailar köbeiıp kettı. Oramal taǧyp alyp, toilarda sekırıp bilep, qanşa otbasylardy būzyp jür. Neşe türlı kurstarymen, marafondarymen, basqalarymen äielderge üiretıp jatqan... Eger sondailardyŋ sabaǧyna «toiyp alǧan, ışıp-jep, kekırgen kezde marafondarynyŋ, kurstarynyŋ iısı şyǧyp tūrǧan» qyz bolsa, ol jerden aiaq kiımıŋızdı qolyŋyzǧa alyŋyz da, qaşyp ketıŋız», – deidı Ersın Ämıre.
İmamnyŋ aituynşa, bırneşe ret ajyrasqan nemese mülde baiǧa timegen äielder qazır «küieuıŋnıŋ aldynda mındettı emessıŋ» dep, qyzdarǧa qalai baqytty äiel boludy üiretıp jür.
«Solardyŋ sabaqtarynyŋ saldarynan qanşama otbasy ajyrasyp jatyr. Ökınışke qarai, tıptı, qazır «menımen bırge umraǧa, qajylyqqa jürıŋızder» dep, äielderdı jinap, umraǧa qajylyqqa aparyp jatyr. Qazır oramalyna laiyq emes äpke-qaryndastarymyz köbeiıp jatyr. Solardy qanşa otbasylardaǧy äielder tyŋdaidy. Tyŋdap alyp, küieuıne kelıp prava kachat etedı. Şariǧatta mındettı, mındettı emes degen bölek mäsele, bıraq bız – Orta Aziia halqy özımızdıŋ qalyptasqan mentalitetımız, tüsınık, salt-dästürımız bar. Mümkın basqa halyqtarda qartaiǧan ata-anasyn jeke qaldyryp, jeke ömır süre beretın şyǧar, bızde ol ata-anaǧa opasyzdyq sanalady», – deidı ol.
Ersın Ämıre öz sözınde joǧaryda atalǧan äieldermen bas qosudyŋ qajetı joqtyǧyn aitady.
«Oramalda ma, demek ol oramalyna laiyq boluy kerek. Ol Alla Taǧala üiretken, İslamdy üiretetın äiel boluy kerek. Paiǧambarymyz (s.ǧ.s.) «Eger äiel bes uaqyt namazyn oqysa, orazasyn ūstasa, küieuıne baǧynsa jäne ar-namysyn saqtasa, oǧan «qalaǧan esıgıŋe, jännatqa kır» dep aitady deidı. Mıne, būl jerde küieuıne baǧynu turaly aitylyp jatyr», – deidı Ersın Ämıre.
Ūqsas jaŋalyqtar
