Aqyn Erbolat Baiat Qazaqstan Jazuşylar odaǧynyŋ Aqmola oblystyq filialynyŋ basşysy qyzmetıne taǧaiyndaldy, dep jazady "Adyrna" portaly. Būl turaly ol özınıŋ Facebook paraqşasynda aitty.
Taǧaiyndau Qazaqstan Jazuşylar odaǧynyŋ Basqarma töraǧasy Mereke Qūlkenovtıŋ būiryǧymen jüzege asty.
"Qazaqstan Jazuşylar odaǧynyŋ Basqarma töraǧasy Mereke Qūlkenovtıŋ būiryǧymen 16 qaŋtardan bastap Jazuşylar odaǧynyŋ Aqmola oblysy filialynyŋ direktory, iaǧni Odaqtyŋ resmi ökılı bolyp taǧaiyndaldym. Tıleules jandarǧa rahmet, ıske sät dep qoiyŋyzdar!" dep jazdy Erbolat Baiat jazbasynda.
Erbolat Baiatūly — 1964 jyly Monoliianyŋ Baian-ölgii aimaǧynyŋ Ölgii qalasynda düniege kelgen.
1987 jyly Äl Farabi atyndaǧy Qazaq memlekettık universitetınıŋ filologiia fakultetın bıtırgen. 1987-1988 jyldary Qyzylqaiyŋ orta mektebınde mūǧalım, 1988-1989 jyldary aimaqtyq qazaq radiosynda tılşı-redaktor, 1990-1992 jyldar aralyǧynda Monǧoldyŋ pedagogikalyq ǧylymi zertteu institutynyŋ qazaq mektepter sektorynda ǧylymi qyzmetker bolyp jūmys atqarǧan.
