Almaty oblysynda 44 jastaǧy kelınşektı körşısınıŋ itı talap tastaǧan

Almaty oblysynda 44 jastaǧy kelınşektı körşısınıŋ pitbul tūqymdy itı talap tastaǧan. Būǧan deiın älgı it sol kelınşektıŋ küieuın de tıstelep, sausaǧynyn aiyrǧan. Oqiǧa Esık qalasy maŋyndaǧy saiajai massivterınıŋ bırınde boldy, dep habarlaidy "Adyrna" portaly. Būl turaly informburo aqparat berdı. Jaryqtyŋ aqysyn töleuge şyqqan Qarlyǧaş Elemesova qaitar jolda körşısınıŋ bos jürgen itıne tap bolǧan. Tıstegen jerın oŋailyqpen jıbermeitın pitbul tūqymdy töbet baltyrynan bas salyp, keiın bırneşe jerıne tıs batyrǧan eken. Qazır äielım ornynan tūra almai auruhanada jatyr deidı joldasy. Ötken jyly Berık Esqazievtıŋ özı de däl osy itke talanyp bır sausaǧynan aiyrylypty. İesı älı künge deiın eşqandai ötemaqy tölegen joq degen Berık, şara qoldana almai otyrmyz dep aşuly. "Aiaǧyn talap, jürgızbei tastady ǧoi. Köşenıŋ basynda köşege şyǧyp ketıp jerge aunatyp talaǧan. Menıŋ özım ötken jyly sausaǧymnan aiyryldym. Sausaǧymdy alǧan, aiaǧymdy talaǧan" dedı Berık myrza. Būl maŋda qazır 5 saiajai massivı bar eken. Olardyŋ basym bölıgınde adamdar tek jaz mezgılınde ǧana tūrady. Al, veterinariia bölımıne qanşa aitqanymyzben qūlaq asar eşkım joq deidı. İt aulauǧa ötınış beremız degen okrsg äkımı, adam qapqan ittı iesı üiınen alyp kettı deidı.