Arys qalasynda gaz ballony jarylyp, bir adam qaıtys boldy, dep habarlaıdy «Adyrna» tilshisi.
Túrkistan oblystyq tótenshe jaǵdaılar departamentiniń aıtýynsha, oqys oqıǵa Qazybek bı kóshesindegi naýbaıhana men tehnıkalyq qyzmet kórsetý ortalyǵy ornalasqan ǵımaratta bolǵan.
Saldarynan 50 lıtr gaz balony jarylyp, eki adamnyń denesin kúıik shalǵan. Olardyń biri aýrýhanada qaıtys boldy. 1998 jyly týǵan er adamnyń jaǵdaıy aýyr.
«Ǵımarattyń jalpy kólemi 285 sharshy metr, sonyń shinde janǵany - 200 sharshy metr. Kómekke 3 órt sóndirý kóligi shaqyrtyldy. Órt 14:51 tolyǵymen sóndirildi»,—dep túsindirdi Arys qalasyndaǵy №7 ÓSB bastyǵy, azamattyq qorǵaý maıory Bekmyrza Óserbek.
