«Qazaqtelekom» AQ 25 mln teŋgege jarnamalyq obektılerdıŋ ideiasy men dizainyn äzırleu boiynşa qyzmetterge aşyq tender jariialady, dep habarlaidy «Adyrna» ūlttyq portaly.
Baiqaudy «Telekom Komplekt» Direksiiasy AQ filialy ūiymdastyryp otyr. Şart boiynşa qyzmet körsetu merzımı, qol qoiylǧan künnen bastap 2024 jylǧy mamyrǧa deiın. Tölem joba aiaqtalǧannan keiın jürgızıletını atap ötılgen.
Tehnikalyq erekşelıkke säikes, josparlanǧan qyzmetterdıŋ maqsaty «Qazaqtelekom» AQ-nyŋ 2023 jylǧa arnalǧan integrasiialyq jyldyq esebın, onyŋ ışınde qarjylyq emes aqparattar bölıgın tūraqty damu salasyndaǧy üzdık halyqaralyq praktikalarǧa säikes etıp daiyndau.
Qūjatta äzırlengen jyldyq esep jetekşı salalyq kompaniialardyŋ esepterın daiyndau jönındegı praktikalarǧa säikes keluı jäne Aksionerlık Qoǧamnyŋ qyzmetınıŋ aşyqtyǧyna baǧyttaluy kerek. Jäne sol arqyly ışkı jäne syrtqy müddelı taraptar, onyŋ ışınde äleuettı investorlar tarapynan senımdı arttyruǧa baǧyttaluy tiıs delıngen.
Anyqtama üşın: Qarjylyq emes eseptılık – būl kompaniianyŋ äleumettık, ekologiialyq, ekonomikalyq jäne basqa da damu salasyndaǧy qyzmetınıŋ nätijelerı men negızgı körsetkışterın keşendı türde körsetetın korporativtı eseptılık baǧyty.
Äleuettı önım beruşıge qoiylatyn talaptarǧa keletın bolsaq, jyldyq eseptı äzırleu «Qazaqtelekom» AQ korporativtık basqaru kodeksınıŋ barlyq talaptaryna, «Samūryq-Qazyna» AQ talaptaryna jäne BŪŪ-nyŋ Tūraqty damu salasyndaǧy maqsattaryna, sondai-aq jetekşı halyqaralyq kompaniialardyŋ qarjylyq emes eseptılık standarttarynyŋ talaptaryna säikes keluı tiıs.
Esep qarjy jyly ışınde AQ qyzmetınıŋ damuy men tiımdılıgın taldaudy körsetu kerek jäne tiımdılıktıŋ negızgı qarjylyq (jäne basqa) körsetkışterın talqylaudy qamtuy qajet. Sondai-aq, esepte: ūiymnyŋ negızgı maŋyzdy oqiǧalary, onyŋ damuy, ǧylymi-zertteu jūmystary men jaŋalyqtary, öz aksiialaryn satyp alu turaly aqparat jäne basqa da eŋbekterı körsetıluı kerek.
Eseptıŋ dizain-tūjyrymdamasy firmalyq stil elementterın jäne korporativtık brendbuk talaptaryn eskere otyryp, fotosuretter, illiustrasiialar, infografika jäne basqa vizualdy elementterdı paidalana otyryp, üş tılde (orys, qazaq, aǧylşyn) iaǧni, prezentasiia üş nūsqada daiyndaluy şart delıngen.
Qarapaiym tılmen aitqanda, «Qazaqtelekom» AQ öz ūiymynyŋ sapaly jaŋa ülgıdegı prezentasiiasyna 25 mln. teŋge jūmsamaq. Super - prezentasiiany äzırleu prosesıne mındettı türde derekterdı jinau jäne taldau, mätındı daiyndau jäne audaru, MS PowerPoint jäne Adobe Photoshop/INDD formatyndaǧy üş tıldegı elektrondyq maket jäne soŋǧy interaktivtı nūsqa kıredı.
Būdan basqa, bastapqy kezeŋde qarjylyq emes eseptılık standarttarynyŋ (GRI Standards, SASB, IIRC) negızgı qaǧidattary boiynşa korporativtık trening ötkızıletın bolady. Aita keteiık, «Qazaqtelekom» AQ qarqyndy sılteme jasap otyrǧan barlyq halyqaralyq standarttar turaly aşyq qoljetımdı derek közderınen tegın bıluge bolady. Däl osy jerde nendei qyzmet 25 mln. teŋge tūratyny bızge tüsınıksız.
Bälkım, «Qazaqtelekom» AQ şynymen jaŋa super-prezentasiiaǧa asa mūqtaj şyǧar?! Al halyq bolsa «Qazaqtelekom» AQ-nyŋ sapaly qyzmetıne mūqtaj ekenın künde estıp, körıp jürmız.
Ashat Ahmediiar
