Semei qalasynyŋ äkımı Ermak Sälımov medisina qyzmetkerlerın käsıbi merekelerımen qūttyqtady. Qala basşysy erekşe közge tüsken därıgerlerdı marapattap, qūrmet gramotalaryn tabys ettı.
- Därıger eŋ ızgı mamandyq, - dedı Ermak Bidahmetūly. – Sızderdı käsıbi merekelerıŋızben qūttyqtaǧym keledı. Sızderge baqyt jäne auyr jūmystaryŋyzǧa tabys tıleimın.
Kezdesu barysynda E. Sälımov medisina universitetınıŋ rektory Ersın Jünısovpen özara yntymaqtastyq turaly Memorandumǧa qol qoidy. Būl qūjattyŋ kömegımen joǧary oqu orny Abai alaŋyn öz qamqorlyǧyna alatyn bolady.
- Medisinalyq universitet bızge Abai alaŋyn beru turaly ötınış bıldırdı. Olar osy aumaqta sapaly abattandyru jūmystaryn jürgızgısı keledı. Basqa oqu oryndary da ülgı alar degen nietpen būl ūsynysty qabyl aldyq. Ünemdelgen qarjy qalanyŋ şetkı bölıkterıne jūmsalady, - dedı Ermak Bidahmetūly.
Sonymen qatar, osy memorandum aiasynda äkımdık melkombinat köşesındegı ǧimaratty meduniversitettıŋ kommunaldyq menşıgıne berdı.
- Būl nysan halyq qajettılıgıne paidalanyluy tiıs, - dedı qala äkımı. - Memorandumda körsetılgen üşınşı mäsele-medisina qyzmetkerlerın tūrǧyn üimen qamtamasyz etu. Qazır Qaraǧaily yqşam audanynda üiler salynyp jatyr. Därıgerler tūrǧyn üi qūrylys jinaq bankı arqyly memlekettık baǧdarlama boiynşa tūrǧyn üi ala alady, -dedı Ermak Bidahmetūly.
"Adyrna" ūlttyq portaly
