Oral-Atyraý tasjolynda jol apaty bolyp, úsh ózbekstandyq azamat kóz jumdy, dep habarlaıdy "Adyrna" tilshisi atpress.kz-ke siltep.
Basylymnyń aqparatyna súıensek, 20 qańtar kúni 17.00 shamasynda Oral-Atyraý tasjoly, Aqjaıyq aýdanynyń Samal aýylyna jaqyn mańda jantúrshigerlik jol apaty tirkelgen. Saldarynan úsh adam qaıtys bolǵan.
Batys Qazaqstan oblystyq Polıııa departamenti oryn alǵan jol apatyna qatysty pikir bildirdi.
"Mazda CX-7 kóliginiń 41 jastaǵy júrgizýshisi qarsy betke shyǵyp ketip, júk kóligimen soqtyǵysty. Ókinishke qaraı, jeńil kólik júrgizýshisi men eki jolaýshy - 40 jastaǵy áıel men 12 jastaǵy bala oqıǵa ornynda qaıtys boldy. Taǵy bir 15 jastaǵy jasóspirim aýdandyq aýrýhanaǵa jetkizildi", - delingen departament habarlamasynda.
