Pavlodar oblysynyŋ densaulyq saqtau basqarmasy tıl janaşyry Ruza Beisenbaitegınıŋ jaǧdaiyna qatysty tüsınıkteme berdı, dep habarlaidy «Adyrna» tılşısı.
«24 qaŋtar künı saǧat 16:20 şamasynda 103 nömırıne Pavlodar qalasynda äiel adam köşedegı azamattarǧa agressiia tanytyp jatqany turaly habarlama kelıp tüstı. Oqiǧa ornyna kelgen medisinalyq brigada psihikalyq auytqulary belgılerımen 66 jastaǧy äiel adamdy oblystyq psihikalyq densaulyq saqtau ortalyǧyna jetkızdı»,—delıngen habarlamada.Basqarmanyŋ baspasöz qyzmetı ortalyq därıgerlerı tarapynan Ruza Beisenbaitegıne ekı kün boiy em qabyldau şaralary jasalǧanyn atap öttı.
«Medisina qyzmetkerlerınıŋ qarauynan keiın densaulyq jaǧdaiynyŋ jaqsaruyna orai konsilium şeşımımen nauqas dispanserlık baqylau ūsynysymen üiıne qaitaryldy. Densaulyq saqtau salasyndaǧy zaŋnamaǧa säikes, aldaǧy uaqytta nauqastyŋ psihikalyq auytqulary naşarlap, ainalasyndaǧy adamdarǧa ziian keltıru yqtimaldyǧy qaita baiqalǧan jaǧdaida, ol emdeuge jıberıletın bolady»,—dep tolyqtyrdy oblystyq densaulyq saqtau basqarmasy.
