Qazaqstan Ózbekstanmen jáne Qytaımen transshekaralyq ózenderdegi sýdy bólý týraly kelisimderge qol qoıý jumystaryn júrgizýde, dep habarlaıdy “Adyrna” ulttyq portaly.
Bul týraly Úkimet otyrysynda Sý resýrstary jáne ırrıgaııa mınıstri Nurjan Nurjigitov málim etti.
Mınıstr transshekaralyq sý aǵyndaryn birlesip paıdalaný jáne kórshiles memlekettermen yntymaqtastyqty damytý jónindegi is-sharalarǵa toqtaldy. Eldegi 8 sý basseıniniń 7-i transshekaralyq bolyp tabylady. Sonyń saldarynan Qazaqstan negizinen kórshi elderdiń (Qytaı Halyq Respýblıkasy, Reseı Federaııasy jáne Ortalyq Azııa elderi) sý sharýashylyǵy saıasatyna táýeldi bolyp otyr.
Mınıstrlik transshekaralyq sý obektilerin paıdalaný jáne qorǵaý máseleleri boıynsha kelissózder toby músheleriniń quzyretin kúsheıtýdi kózdep otyr.
“Sý resýrstaryn basqarý júıesin damytýdyń 2024-2030 jyldarǵa arnalǵan tujyrymdamasynda Qazaqstan Úkimetiniń Ózbekstanmen kelisimderge qol qoıýy jáne Qytaı transshekaralyq sý obektilerindegi sýdy birlesip basqarý, paıdalaný jáne bólý týraly – bul memleketaralyq sý qatynastaryn damytýǵa yqpal etedi. Sonymen qatar, mınıstrlik Ortalyq Azııa elderi arasyndaǵy sý-energetıkalyq yntymaqtastyq týraly kelisim jobasyn ázirleýde, - dedi mınıstr Nurjan Nurjigitov úkimet otyrysynda.
“Adyrna” ulttyq portaly
