Oblys äkımı Nūrlybek Nälıbaev bılım beru ūiymdarynyŋ jai-küiı turaly keŋeitılgen mäjılıste biyldan bastap öŋırdıŋ barlyq eldı mekenındegı klubtar men mädeniet üilerınen jas ūrpaqty otanşyldyq jäne memleketşıldıkke, patriottyqqa tärbieleitın üiırmelerı bar «Adal adam» ruhani-mädeni ortalyqtary aşylatynyn aitty. Būl ortalyqtarda balalardyŋ qabıletı şyŋdalady, syrdariialyq jas önertapqyş Asyljan Abdullaev, batyr jetkınşek Arman Amanjolovtai patriottardyŋ ülgısı nasihattalady.
«Künı keşe respublikalyq telearnalardan Syrdariia audanynyŋ 11-synyp oquşysy Asyljan Abdullaevtyŋ jasandy intellekttı alǧaş bolyp qazaqşa söiletkenı turaly aqparat jariialandy. Auyl balasynyŋ ūşy-qiyry joq ǧalamtor keŋıstıgıne jaŋaşyldyq äkelgenı köptı taŋ qaldyrdy. Mekteptı biyl tämamdaityn jas tehnokratqa qazırdıŋ özınde elımızdegı 3 joǧary oqu orny – Astana IT universitetı, SeulTeh universitetınıŋ Qyzylorda qalasyndaǧy filialy, Qorqyt Ata atyndaǧy Qyzylorda universitetı grant ūsynuda.
Bügıngıdei mümkındıkter däuırınde bızdıŋ jetkınşekterımızdıŋ jarqyrai körınetınıne, biıkterge ūmtylatynyna ūstazdar da, ata-analar da, bärımız senım artamyz, qoldau körsetemız.
Barlyq bala Asyljandai jas önertapqyşqa, Qyzylorda qalasynda qūdyqqa tüsken ekı jasar säbidı qūtqaryp qalǧan Arman Amanjolovtai patriot ūldarymyzǧa qarap, boi tüzeuı kerek», – dedı Nūrlybek Maşbekūly.
Oblys äkımı jasöspırımder tärtıbı mäselesıne toqtalyp, qylmystyŋ aldyn alu jäne boldyrmauǧa qatysty ıs-şaralardy jandandyrudy talap ettı.
«Bılım oşaqtarynda qylmystyq psihologiianyŋ taraluyn, kämeletke tolmaǧandardyŋ qatysuymen jasalatyn keleŋsızdıkterdı tübırımen joiuymyz qajet. Sondyqtan osy jiynǧa oblystyq polisiia departamentı arnaiy şaqyryldy. Memleket basşysy: «Balalar arasynda jalpyadamzattyq jäne ūlttyq qūndylyqtardy därıptegen abzal. Oquşylar mektep bıtırgende, eŋ aldymen, Adal azamat bolyp şyǧuy kerek», – dedı.
Bügıngı mäjılıske är audannan ardagerler, qoǧamdyq keŋes, äielder keŋesı töraǧalary men ökılderı arnaiy şaqyryldy. Bala tärbiesıne tek ata-ana, mūǧalım ǧana emes, qoǧam bolyp atsalysuymyz kerek. Oquşylar men jastarymyzǧa ziialy qauymnyŋ, aqsaqal-abyzdarymyzdyŋ sözı ötımdı boluy tiıs. Būrynǧydan bızge jetken «jastai bergen tärbie – jas şybyqty igendei» degen söz bar. Būzaqylyqtyŋ sebebınıŋ bırı – bos uaqyttyŋ köp boluynda. Iývenaldy polisiia bölımşesı jūmysynyŋ tiımdılıgıne jan-jaqty taldau jasalu kerek», – dedı N.Nälıbaev.
Eske salsaq, ötken jyldyŋ aqpan aiynda «Otbasy – tärbie besıgı» taqyrybynda oblystyq ata-analar keŋesı ötkızıldı. Būl jūmystar qala, audan, auyldarda jalǧasyn tapty. Degenmen, äzırge nätije köŋıl könşıtpeitının atap ötken aimaq basşysy osy baǧytta ärı qarai da şaralar qabyldau qajettıgın qaperge saldy.
