Almaty qalasy Kommunaldyq infraqūrylymdy damytu basqarmasy basşysynyŋ orynbasary alaiaqtyq jasady degen küdıkke ılındı. Būl turaly Antikordyŋ baspasöz qyzmetı aitty, dep habarlaidy «Adyrna» tılşısı.
«Almaty qalasy boiynşa Sybailas jemqorlyqqa qarsy qyzmet «Almaty qalasynyŋ kommunaldyq infraqūrylymdy damytu basqarmasy» KMM basşysynyŋ orynbasaryna qatysty sotqa deiıngı tergeu jürgızude.
Şeneunık alaiaqtyq jasau boiynşa küdıkke ılındı. Aldau arqyly ol aula aumaqtaryn kütıp ūstau, jinau jäne QTQ şyǧaru boiynşa qyzmetter körsetu şarttaryn jasasu syltauymen 21 mln teŋge kölemınde jergılıktı käsıpkerdıŋ aqşalai qarajatyn iemdengen»,—delıngen habarlamada.
Küdıktı üi qamaǧyna alyndy. Qazırgı taŋda tergeu jalǧasyp jatyr.
