«Oqiǧa ornynda oblystyq jedel ştab qūryldy. Jedel jelı ıske qosylyp, oǧan osy uaqytqa deiın 11 myŋǧa juyq qoŋyrau kelıp tüstı. Qazırgı uaqytta ūrlyq-qarlyqtyŋ aldyn alu üşın polisiianyŋ 75 nariady oqiǧa ornynda jūmys jürgızude. Sonymen qatar, ekı qylmysty jasaǧan üş adam ūstaldy. Atap aitqanda, bır düken men bır üi tonalǧan», - dedı Işkı ıster ministrı Erlan Tūrǧymbaev Ükımet otyrysynda. Ministrdıŋ aituyna qaraǧanda, Arys qalasyna kırgen jäne şyqqan kölıkterdıŋ barlyǧy tekserılıp jatyr.
«Tötenşe jaǧdaidyŋ saldarynan ekı adam köz jūmdy. Bırı Arys qalasynyŋ äskeri bölımınıŋ äskeri qyzmetşısı, ekınşısı Arys qalasynyŋ tūrǧyny. Ekı adam jansaqtau bölımınde jatyr. 34 adam auruhanaǧa jatqyzyldy. Jeŋıl jaraqat alǧan 12 adamǧa medisinalyq kömek körsetıldı», - dedı ol.
Eske sala ketsek, Arys qalasyndaǧy äskeri bölımnıŋ qoimasynda keşe taŋerteŋ jarylys bolǧandyǧy turaly habarlaǧan bolatynbyz. Apat saldarynan ekı adam mert boldy. Türkıstan oblysyna arnaiy barǧan Qazaqstan Prezidentı Qasym-Jomart Toqaev Arystaǧy äskeri bölımşedegı oq-därı qoimasyndaǧy jarylystan zardap şekken qala tūrǧyndarymen kezdesıp, qalanyŋ qalpyna keltırıletınıne uäde berdı.
Derekköz: https://www.inform.kz/kz
"Adyrna" ūlttyq portaly
