Qyrǵyzstan prezıdenti Sadyr Japarov 20 mıllıon dollarǵa múlkin zańdastyrdy. Bul týraly ol Facebook-tegi paraqshasynda jazdy, dep habarlaıdy “Adyrna” ulttyq portaly.
«Meniń múlkimniń quny shamamen 20 mıllıon dollardy quraıdy. Zańdastyrý úshin men memleketke mıllıon som tóledim (11,2 myń dollar – Ferǵanadan nota). Bul zań boıynsha talap etiledi. Meniń shetelde jınaǵan aqsham joq. Al eger bar bolsa, men olardy bizdiń bankterge salar edim», — dep jazdy Japarov.
Ol kiristerdi zańdastyrý týraly zańnyń 2023 jyly qabyldanǵanyn eske saldy.
Bizdiń barlyǵymyz (qarapaıym azamattar emes, ortasha bıznesten joǵary kásipkerler) múlkimizdi basqa bireýdiń atyna tirkegenimiz jasyryn emes. Oǵan qosa, elimizdiń eń baı azamattary áli kúnge deıin mıllıardtaǵan aqshasyn sheteldik bankterde saqtaýda. Bizde mundaı baılar kóp. Nelikten baılyǵyn shetelde jasyrady degen suraqqa jaýap qarapaıym. Osy ýaqytqa deıin qomaqty qarjynyń qaıdan alynǵany men bul qarajatqa tólenetin salyqtyń kólemi kóp suraqtardy týǵyzdy. Endi mundaı másele týyndamas úshin biz osy zańmen zańdastyrý múmkindigin jasap jatyrmyz», - dep túsindirdi Japarov.
Ol bul múmkindikti 1 shildege deıin ǵana paıdalanýǵa bolatynyn, memleket zańdastyrylǵan kapıtaldyń saqtalýyna 100 paıyz kepildik beretinin qosty.
«Meniń ǵımarattarym buryn basqa adamdarǵa tirkelgen. Qazir olardy zańdastyrý zańy negizinde tirkedim. Men úlgi bolǵym keldi jáne birinshi bolyp múlkimdi zańdastyrdym», - dep jazdy prezıdent.
«Jeke tulǵalardyń múlkin erikti túrde jarııa etý jáne raqymshylyq jasaý týraly» zań jobasyn prezıdent ákimshiligi 2022 jyldyń naýryz aıynda ázirlegen bolatyn. «Ádilet» zań klınıkasynyń zańgerleri jobany saraptaı kele, «shyn máninde, jasalyp jatqan usynystar jeke adamǵa qarsy qylmystardyń barlyǵynan, barlyq teris qylyqtardan, bandıtızmnen, adam saýdasynan jáne eńbekti zańsyz paıdalanýdan paıda alýǵa yntalandyrady» dep túıindedi.
Zańgerler zań jobasy Qyrǵyzstan Konstıtýııasyna, respýblıka qatysýshysy bolyp tabylatyn halyqaralyq sharttar men qujattarǵa, sondaı-aq sybaılas jemqorlyqpen kúres jáne ony joıý jónindegi memlekettik strategııaǵa qaıshy keletinin basa aıtty.
Jaýap retinde Japarov bul zańnyń maqsaty - aýqatty adamdardyń sheteldegi aktıvterin, aqshasyn zańdastyryp, Qyrǵyzstan bankterinde saqtaýǵa múmkindik berý ekenin aıtty.
«Bankter paıda kóredi. Aýmaǵymyzda zaýyttar men fabrıkalar salsaq, jumys oryndary paıda bolady. Salyqtar bizge tólenedi. Zańnyń barlyq maqsaty da osy. Bul baılardyń arasynda meniń dostarym da, týystarym da joq, men olarǵa qoldaý kórsetemin», - dep sendirdi Qyrǵyzstan prezıdenti.
