AQSh Tájikstannyń orta mektepterine 242 myń dana aǵylshyn tili oqýlyqtaryn syıǵa tartty. Kitaptar 10-11 synyp oqýshylaryna arnalǵan, dep habarlaıdy «Adyrna» tilshisi.
Oqýlyqtardy resmı tapsyrý rásimi Dýshanbede AQSh elshisi Manýel Mıkallerdiń, Bilim jáne ǵylym mınıstri Saıdzod Rahım Hamronyń, Aga Han Damý jelisiniń turaqty ókili Qozıdavlat Koımdodovtyń qatysýymen ótti.
«Oqýlyqtarda synı turǵydan oılaýdy damytýǵa yqpal etetin til úırenýdiń zamanaýı ádisteri, atap aıtqanda, oqýshyǵa baǵdarlanǵan oqytý, kommýnıkatıvti oqytý jáne jattyǵýlarǵa negizdelgen oqytý qoldanylady», - dedi AQSh elshiligi.
Qazirgi tańda 8-9 synyptarǵa arnalǵan 350 myńnan astam aǵylshyn tili oqýlyqtaryn Tájikstanǵa berý boıynsha jumystar júrgizilip jatyr.
Aıta keteıik, buǵan deıin Tájikstan prezıdenti Emomalı Rahmon orys jáne aǵylshyn tilderin oqytýdy jaqsartý qajettigin málimdegen edi. Memleket basshysy 2023 jyldy orys tiliniń jyly dep jarııalady.
