AQŞ Täjıkstannyŋ orta mektepterıne 242 myŋ dana aǧylşyn tılı oqulyqtaryn syiǧa tartty. Kıtaptar 10-11 synyp oquşylaryna arnalǧan, dep habarlaidy «Adyrna» tılşısı.
Oqulyqtardy resmi tapsyru räsımı Duşanbede AQŞ elşısı Manuel Mikallerdıŋ, Bılım jäne ǧylym ministrı Saidzod Rahim Hamronyŋ, Aga Han Damu jelısınıŋ tūraqty ökılı Qozidavlat Koimdodovtyŋ qatysuymen öttı.
«Oqulyqtarda syni tūrǧydan oilaudy damytuǧa yqpal etetın tıl üirenudıŋ zamanaui ädısterı, atap aitqanda, oquşyǧa baǧdarlanǧan oqytu, kommunikativtı oqytu jäne jattyǧularǧa negızdelgen oqytu qoldanylady», - dedı AQŞ elşılıgı.
Qazırgı taŋda 8-9 synyptarǧa arnalǧan 350 myŋnan astam aǧylşyn tılı oqulyqtaryn Täjıkstanǧa beru boiynşa jūmystar jürgızılıp jatyr.
Aita keteiık, būǧan deiın Täjıkstan prezidentı Emomali Rahmon orys jäne aǧylşyn tılderın oqytudy jaqsartu qajettıgın mälımdegen edı. Memleket basşysy 2023 jyldy orys tılınıŋ jyly dep jariialady.
