Qazaqstanda 1 nauryzdan bastap «Otau» jaŋa tūrǧyn üi baǧdarlamasy ıske qosylady. Būl turaly Otbasy bankınıŋ baspasöz qyzmetı aitty, dep habarlaidy «Adyrna» tılşısı.
Baǧdarlamaǧa Otbasy bank salymşylary, onyŋ ışınde tūrǧyn üi kezegınde tūrǧan azamattar qatysa alady.
Ümıtkerdıŋ jinaq şotyna eŋ kemı 18 ai toluy kerek; Ötınım beru sätınde depozittegı jinaq somasy 1 mln teŋgeden kem bolmauy tiıs; Qatysuşynyŋ jasy 18-den 63 jas aralyǧynda boluy qajet; Baǧdarlamaǧa qatysuşyda jäne onyŋ otbasy müşelerınde soŋǧy 5 jyl ışınde jyljymaityn mülık bolmauy kerek.Sondai-aq Almaty jäne Astana qalalarynan tūrǧyn üi alatyn jaǧdaida būl qalalarda tūraqty tırkeu boluy qajet.
«Otau» baǧdarlamasy jūmys ısteitın jastardy, jas otbasylardy, Otbasy bankınıŋ salymşylaryn tūrǧyn üimen qamtamasyz etuge baǧyttalǧan. Būl jyl saiyn zaemdardyŋ jartysynan astamy 35 jasqa deiıngı qazaqstandyqtarǧa kredit beruge bölınetının bıldıredı. Jyl saiyn bız qarjylandyruǧa 150 mlrd teŋge baǧyttaimyz. Būl aqşa Otbasy banktıŋ öz qarajaty esebınen bölınedı, sondai-aq qazaqstandyq qarjy naryǧynan da qaryz alyp, qarajat tartudy josparlap otyrmyz. «Otau» baǧdarlamasy 7 jylǧa eseptelgen. Osy kezeŋde bız 50 myŋ azamattyŋ tūrǧyn üi mäselesın şeşuge kömektesemız»,— deidı banktıŋ basqarma töraǧasy Läzzat İbragimova.
Ūpailar qalai esepteledı?
- salym boiynşa syiaqy mölşerı üşın - ärbır 1 000 teŋgege 5 ball; - salym merzımı üşın - salymnyŋ ärbır jyly üşın 5 ball; - tırkelgen neke üşın - 10 ball; – balalardyŋ boluy üşın - sanyna qaramastan 50 ball. Eger ümıtkerlerdıŋ ūpailarynyŋ sany bırdei bolyp qalsa, onda basymdyq salym somasy köbırek jäne jinaqtau merzımı ūzaǧyraq adamdarǧa berıledı. Irıkteuden ötken qatysuşylar 40 jūmys künı ışınde nesielık ötınım bere alady. Bankten oŋ maqūldau alǧan jaǧdaida nesielık ötınım 6 ai ışınde jaramdy bolady. Osy uaqyt aralyǧynda baǧdarlamaǧa qatysuşy baspana tauyp, nesie alyp, ony satyp aluy kerek.Zaem kölemı qandai jäne qandai tūrǧyn üi satyp aluǧa bolady?
- Almaty men Astanadaǧy zaemnyŋ eŋ joǧary somasy - 30 mln teŋgege deiın; - qalǧan öŋırlerde - 18 mln teŋgege deiın. - tek alǧaşqy naryqtaǧy tūrǧyn üi - Almaty, Astana, Şymkent qalalarynda jäne oblys ortalyqtarynda (onyŋ ışınde QTK kepıldıgımen ülestık qatysu şarty boiynşa); - basqa eldı mekenderde kez kelgen tūrǧyn üi. Baǧdarlamaǧa qatysuşy jaŋa tūrǧyn üidı Baspana market (otbasybank.kz) portalynan ǧana satyp ala alady. Būl qyzmet jaŋa tūrǧyn üi baǧdarlamasynyŋ bastaluy aiasynda tūrǧyn üi baǧasynyŋ jasandy ösuıne jol bermeuge arnalǧan. «Otau» baǧdarlamasyn ıske asyrudyŋ barynşa aşyqtyǧy üşın onyŋ qatysuşylarynyŋ tızımı (zaem aluşylardyŋ kelısımımen) Otbasy bankınıŋ saitynda jariialanatyn bolady. Ärbır adam ötınımderdı ırıkteu jäne ūpailardy esepteu nätijelerımen otbasybank.kz portalda tanysa alady.
