"Qūdaidyŋ syiy". Qazaq televiziiasynyŋ tūŋǧyş diktory Zūlqiia Jūmatova 104 jasqa toldy

Qazaq televiziiasynyŋ qarlyǧaşy, tūŋǧyş diktor - Zūlqiia Jūmatova 104 jasqa toldy, dep habarlaidy "Adyrna" portaly.  Ǧasyr kuägerı, Zūlqiia Mūqanqyzy - 1920 jyly 20 aqpanda Pavlodar oblysy, Baianauyl auylynda düniege kelgen. Anasy 1935 jyly qyzy on bes jasta bolǧanynda qaitys boldy. Zūlqiia äulettıŋ ülkenı bolǧandyqtan, jetı bauyrynyŋ taǧdyry ömırıne ülken jauapkerşılık jüktedı. Osyndai jap-jas şaǧynan ol äkesıne balalaryn tärbieleuge kömektesu üşın Pavlodarǧa köşudı ūiǧarady. 1941 jyly äkesı jalǧyz siyryn satyp, qyzyn qalaǧa jıberedı. Zūlqiia otbasyn Pavlodarǧa köşırıp alǧanyna nebärı üş ai ötkende, äkesı qaitys boldy, al qyz balalaryn jalǧyz özı tärbieleuge mäjbür bolady. Zūlqiia Jūmatova soǧys jyldarynda zauytta jūmys ıstegen. Ol keşke deiın jūmys ıstep, tylǧa kömektestı. Ol uaqytta özı tūrmysta edı. Küieuımen segız jyl bırge tūrdy, alaida sūm ajal küieuınıŋ de ömırın qidy. Küieuı maidanda qaza tapty. Ekı balamen qalǧan ol ekınşı ret auyl şaruaşylyǧy institutynyŋ rektory Äubäkır Jūmatovqa tūrmysqa şyqty. Onyŋ da ekı balasy boldy. Taǧdyr qosqan jandar tūtas bır otbasyǧa ainaldy. Ökınışke qarai, küieuı erte qaitys boldy. Ol nebärı 49 jasta edı. Zūlqiia diktorlyq jolyn 1958 jyly kastingke kelgen kezde bastady. Sol jyly radio men gazetterde Qazaqstan televiziiasynyŋ aşylǧany jaily habarlady. Boijetken özın balalar baǧdarlamasynda synaudy ūiǧardy. Komissiia qūramynda jiyrmadan astam adam otyrdy, onyŋ ışınde Şäken Aimanov ta boldy. Ol Zūlqiiaǧa bır öleŋ oqyp beruın ötındı. Boijetken komissiia müşelerın täntı etıp, 750 ümıtkerdıŋ arasynan taŋdaldy. 1958 jyly 8 nauryzda diktorlar Zūlqiia Jūmatova men Nelli Omarovanyŋ qatysuymen alǧaşqy telehabar şyqty. Özınıŋ ūzaq jasauynyŋ syry turaly "būl - qūdaidyŋ maǧan bergen syiy" dep ataǧan bolatyn. Qazır Zūlqiia Mūqanqyzy qyzymen bırge Almaty qalasynda tūrady.