330 million teŋge jymqyrylǧan. Almatyda balalar qūqyǧyn qorǧau ısın zertteu barysynda 10 qylmystyq faktı äşkerelendı

Almatyda balalar qūqyqtaryn būzu faktılerı boiynşa jürgızılgen tekseruler nätijesınde 10 qylmystyq ıs tırkeldı, dep habarlaidy “Adyrna” ūlttyq portaly qalalyq prokuraturanyŋ baspasöz qyzmetıne sılteme jasap. «Jürgızılgen tekseruler balalardyŋ qauıpsızdıgı salasynda qabyldanyp jatqan şaralardyŋ jetkılıksızdıgın körsettı. Oǧan aqparattyq qauıpsızdık salasyndaǧy jarty myŋnan astam būzuşylyqtar, balalardy tasymaldau jäne bılım beru mekemelerın qorǧau erejelerınıŋ, sanitarlyq jäne örtke qarsy normalardyŋ būzyluy, sondai-aq oquşylar arasynda bulling faktılerınıŋ anyqtaluy dälel. Tekseruler nätijesınde 10 sotqa deiıngı tergep-tekseru bastaldy, şamamen 60 mln. teŋge öteldı, 67 qadaǧalau aktısı engızıldı jäne 100-den astam adam äkımşılık jauapkerşılıkke tartyldy», - delıngen särsenbı künı taratqan habarlamada. Sonymen qatar, qūqyq būzuşylyqtarǧa jedel den qoiu maqsatynda, onyŋ ışınde oquşylar arasyndaǧy  bullingke qatysty, oquşylar nemese olardyŋ ata-analaryna onlain rejimde qalalyq prokuraturaǧa tıkelei jügınuge mümkındık beretın "QR-kod" äzırlendı. «Mektep psihologtarynyŋ bılıktılıgın arttyru maqsatynda qala prokuraturasy "NGS" Jaŋa Buyn Mektebı alaŋynda memlekettık mektepterdegı barlyq psihologtardyŋ, kämeletke tolmaǧandardyŋ ısterı jönındegı uchaskelık inspektorlardyŋ jäne bılım basqarmasy ökılderınıŋ qatysuymen seminar ūiymdastyrdy. Sonymen qatar prokurorlar 330 mln. teŋgeden astam somaǧa biudjet qarajaty ūrlanǧanyn anyqtady», - delıngen habarlamada. Osyndai ūrlyq faktılerın Medeu, Almaly, Türksıb jäne Alatau audandarynyŋ prokurorlary da aşty. Sotqa deiıngı tergeu amaldary jürgızılude.