Birikken Ulttar Uıymy Reseı-Ýkraına soǵysynyń nátıjesinde sońǵy eki jylda 10 myńnan asa ýkraınalyq beıbit turǵynnyń qaza tapqanyn málimdedi, dep habarlaıdy «Adyrna» tilshisi DW-ge silteme jasap,
BUU-nyń adam quqyqtaryn baqylaý mıssııasynyń qujattalǵan derekterinde Ýkraınada 10 582 adamnyń qaza taýyp, 19 875 azamattyń jaraqat alǵany kórsetilgen.
Marqumdardyń kópshiligi Ýkraınanyń shyǵys oblystarynda qaza tapqan. Alaıda BUU qurbandardyń naqty sany odan da kóp bolýy múmkin ekenin málimdedi.
Qazirgi tańda halyqtyń 40 paıyzǵa jýyǵy gýmanıtarlyq kómekke zárý. Al eldiń 2,2 mıllıon azamaty kórshi memleketterge bas saýǵalaǵan.
Aıta keteıik, Reseı Ýkraınaǵa qarsy óz áskerı qımyldaryn 2022 jyly 23 aqpannan 24 aqpanǵa qaraǵan túni bastaǵan edi. Elder arasyndaǵy soǵys qazirdiń ózinde de jalǵasýda.
