Sifrlyq damu ministrlıgı ūialy bailanys operatorlaryna bıryŋǧai saǧat beldeuın uaqtyly auystyrudy tapsyrdy, dep habarlaidy «Adyrna» tılşısı ministrlıktıŋ baspasöz qyzmetıne sılteme jasap.
2024 jylǧy 29 aqpannan 1 nauryzǧa qaraǧan tünı Qazaqstan Maŋǧystau, Atyrau, Batys Qazaqstan, Aqtöbe jäne Qyzylorda oblystarynan basqa barlyq aimaqtar bıryŋǧai uaqyt beldeuıne köşedı.
Osy ıs-şarany jüzege asyru maqsatynda kelesı şaralar qabyldandy:
1) IANA (İnternet mekenjai keŋıstıgınıŋ äkımşılıgı), HEBO, RSS, ICANN, IETF, IESG syndy halyqaralyq ūiymdarǧa Qazaqstannyŋ bıryŋǧai 5-şı uaqyt beldeuıne köşuı, sondai-aq Qazaqstan üşın uaqyt beldeulerınıŋ (time zone database) jalpyǧa qoljetımdı derekqoryndaǧy derekterdı jaŋartu qajettılıgı turaly resmi habarlandy.
Osyǧan bailanysty abonentter şyǧarylǧan jaŋartulardy Android jäne IOS siiaqty halyqaralyq operasiialyq jüielermen jaŋartuy qajet.
2) Sifrlyq damu ministrınıŋ tapsyrmasyna säikes, bailanys operatorlary: - özderınıŋ aqparattyq jüielerınıŋ qajettı ölşemderın daiyndau boiynşa ūiymdastyruşylyq-tehnikalyq ıs-şaralaryn ötkızedı; - ūialy bailanys operatorlarynyŋ qysqa mätındık habarlamalardy jıberuın, sondai-aq internet-resursta jäne mobildı qosymşada (bar bolǧan jaǧdaida) habarlaudy qosa alǧanda, qyzmet körsetu arnalary arqyly öz abonentterı men paidalanuşylaryna jürgızılıp jatqan jūmystar turaly aldyn ala habarlau boiynşa şaralardy jüzege asyrady; - internettı qosa alǧanda, ūsynylatyn bailanys servisterı men qyzmetterınıŋ tūraqtylyǧyn saqtau, sondai-aq tariftıŋ ai saiynǧy tölemın ekı ese esepteu jaǧdailaryn boldyrmau maqsatynda tehnikalyq infraqūrylymdy daiyndaidy.
Tolyǧyraq aqparat alu üşın bailanys operatorlaryna habarlasuǧa bolady.
