«AMANAT» partiiasy «Qaryzsyz qoǧam» jobasynyŋ aralyq qorytyndysyn şyǧardy. Biyl qaŋtar-aqpan ailarynda el aumaǧyndaǧy 15 myŋ otandasymyz qarjylyq sauatyn arttyryp, oqytu kursynan öttı.
«Qaryzsyz qoǧam» jobasyna qatysqan 100-den astam äiel bügın Alǧys aitu künı jäne aldaǧy 8 nauryz merekesı qarsaŋynda Astanada arnaiy bas qosyp, qaryzdan qūtyludyŋ, otbasy tabysyn arttyrudyŋ täjıribesımen bölıstı.
Mäjılıs Spikerı, «AMANAT» Töraǧasy Erlan Qoşanov Prezident el azamattarynyŋ şamadan tys nesie aluy mäselesıne bırneşe ret nazar audarǧanyn atap öttı. Memleket basşysynyŋ tapsyrmasy boiynşa qiyn jaǧdaiǧa tap bolǧan otbasylardyŋ nesiesı keşırılıp, jeke tūlǧalardyŋ bankrottyǧy turaly zaŋ qabyldandy, halyqtyŋ nesiege täueldılıgın tömendetu boiynşa jaŋa zaŋnamalyq tüzetuler äzırlenude. Bıraq täjıribe körsetkendei, būl kürdelı äleumettık mäselenı şeşu üşın qoǧamda jaŋa «qarjylyq mädeniet» qalyptastyru qajet.
«Özderıŋız bıletındei, partiia «Qaryzsyz qoǧam» jobasyn jüzege asyru jönınde tyŋ bastama köterdı. Prezident Qasym-Jomart Toqaev ony qoldap, onyŋ auqymyn jalpyhalyqtyq deŋgeige şyǧarudy tapsyrdy. Būl jūmysqa Ükımet pen Ūlttyq bank qosyldy. «Qaryzsyz qoǧam» jobasy qaryzǧa belşeden batyp, ümıtın üzgenderge naqty qoldau körsetedı. Joba qolda bar qarajatqa ömır süruge, qajetsız nesieden bas tartuǧa üiretedı. Barlyq aimaqtaǧy azamattar būl jobaǧa qoldau bıldırıp, ony jalǧastyrudy sūrap otyr», – dedı ol.
2024 jyly elımızdıŋ barlyq öŋırınde 200 myŋ adam qarajatqa jauapkerşılıkpen qarap, tabysty arttyrudyŋ ädıs-täsılın üirenedı. Būǧan qosa, mektep, kolledj jäne joǧary oqu ornyna arnalǧan oqu qūraldary äzırlenedı. Būl qadam 100 myŋǧa juyq student pen 450 myŋ joǧary synyp oquşylarynyŋ sauatyn arttyruǧa mümkındık beredı. Osylaişa, joba aiasynda 750 myŋ adam qamtylady.
«AMANAT» partiiasy «Qaryzsyz qoǧam» jobasyn ünemı jetıldırıp keledı. Jobaǧa qatysuşylardyŋ 75%-y – äielder. Onyŋ jartysynan köbısı – köpbalaly analar. Partiia olarǧa jaǧdaidy jaqsartudyŋ jaŋa qūralyn ūsyndy. Atap aitqanda, oqudan ötken äielder jeke käsıbın bastau üşın qaitarymdy grant pen lizingke qūral-jabdyq satyp ala alady. Bastama aiasynda jyl soŋyna deiın 3500 äieldı qamtu josparlanuda.
«Būl rette, bız bügıngı kezdesuge qatysyp otyrǧan käsıpker äielderdıŋ täjıribesıne süiengımız keledı. Sızderdıŋ mındetterıŋız – joba tälımgerlerımen bırlesıp, äielderdı oqytu jäne olardy tūraqty tabys tabatyn deŋgeige jetkızu. Olar özderıŋızge qarap boi tüzeidı. Sızder ülgı bolularyŋyz kerek. Būl – «Qaryzsyz qoǧam» jobasyn jüzege asyrudyŋ jaŋa kezeŋı», – dedı Erlan Qoşanov.
Būdan soŋ, «Qaryzsyz qoǧam» jobasyna qatysuşylar söz aldy. Mäselen, Türkıstan oblysynan kelgen tört balanyŋ anasy Ainūr Esenova alǧaşynda «Qaryzsyz qoǧam» jobasyna senımsızdıkpen qaraǧanyn moiyndady. Alaida, oqytu kursy aiaqtalǧannan keiın, ol otbasylyq biudjettı dūrys basqarudy üirenıp qana qoimai, tabysty arttyrudyŋ jolyn tapty.
«Auyldastarymnan süt jinap, odan kūrt-mai jasap satamyn. Qazır üi tūrǧyzyp jatyrmyz. Qūrylys jūmysy älı aiaqtalǧan joq. Esesıne, jaŋa tereze men batareia aluǧa qajet qarajat taptym. Sonymen qatar, «Auyl amanaty» jobasy aiasynda jeŋıldıkpen 4,2 mln teŋge nesie alyp, oǧan 8 bas mal satyp aldym. Ai saiyn 250 myŋ teŋge kölemınde tūraqty tabys tauyp otyrmyn», – dedı ol.
Al Maŋǧystau oblysynyŋ qatysuşysy Asyltas Quatbaeva jobaǧa qatysqanǧa deiın jalaqysynyŋ jartysyn qaryz qaitaruǧa jūmsap keldı. Jūbaiy jūmysynan aiyrylǧan soŋ, köpbalaly otbasynyŋ qarjylyq jaǧdaiy naşarlap kettı.
«Qaryzsyz qoǧam» jobasynyŋ sarapşylary ötınım resımdeuge kömektesıp, sol arqyly memleketten öz ısımızdı bastauǧa mümkındık bergen grant aldyq. Nätijesınde, qūs etınen şūjyq önımderın öndıretın käsıporyn aştyq. Qazır käsıbımızdı ary qarai damytyp jatyrmyz. Otbasylyq tabysymyz 650 myŋ teŋgeden asyp, qaryzymyzdyŋ köp bölıgınen qūtyldyq», – dedı ol.
Aita keteiık, biyl jobany jüzege asyruǧa 9 kommersiialyq bank pen 11 memlekettık organ qatysuda. Jobaǧa qatysuǧa niet bıldıruşılerge yŋǧaily bolu üşın qogamfin.kz. onlain-platformasy äzırlendı. Sait arqyly oqytu kursyna jazylyp, paidaly materialdar men beine sabaqtardy jüktep aluǧa bolady.
Is-şara barysynda Premer-Ministrdıŋ orynbasary – Ūlttyq ekonomika ministrı Nūrlan Baibazarov, Halyk bank-tyŋ basqarma Töraǧasy Ümıt Şaiahmetova, «Qaryzsyz qoǧam» jobasynyŋ jetekşısı Aqmaral Bekmūrzaeva jäne öŋırlerden kelgen joba tülekterı söz söiledı.
Foto Äli Ǧalym
