Memleket basşysy Qasym-Jomart Toqaev sot jüiesiniŋ qyzmetin, sot jüiesindegi mazmūndyq reformalardyŋ, adamnyŋ qūqyqtary men bostandyqtarynyŋ sot arqyly qorǧaluyn jüzege asyruǧa erekşe basymdyq berıp otyr. Sebebı elımızde halyqtyŋ sot jüiesıne degen senımı az. Al qaraşa halyqtyŋ sotqa senımın qalai arttyruǧa bolady?
Memleket basşysy Qasym-Jomart Toqaev «Ädılettı memleket. Bırtūtas ūlt. Berekelı qoǧam» atty joldauynda zaŋ men tärtıptı qamtamasyz etudıŋ negızı retınde zaŋ üstemdıgı men sapaly sot törelıgın atady. Qazaqstan Respublikasynyŋ Konstitusiiasyna säikes sot qorǧauyna qūqyqtardy qorǧaudy qūqyqtyq retteu eldıŋ sot jüiesın jedel jaŋǧyrtudy talap etedı.
«Sot reformasy – būl qūqyqtyq memlekettıŋ maŋyzdy kriteriiı, investisiialyq tartymdylyqtyŋ negızı, jekemenşık qūqyǧyn qorǧaudy qamtamasyz etu. Sot jüiesın reformalaudyŋ jaŋa täsılderı sudialardyŋ täuelsızdıgın odan ärı nyǧaitudy, qoǧamnyŋ sottarǧa degen senımın arttyrudy, sot törelıgın ıske asyruǧa jaŋa käsıbi kadrlardy tartudy yntalandyrudy, sot prosesınıŋ yŋǧailylyǧy men tiımdılıgın köterudı qamtamasyz etuı tiıs», – dedı prezident.
Zaŋ ǧylymdarynyŋ doktory, professor Ermek Abdurasulov sotta talai adamdardyŋ ısı qaralyp jatqanyn, bıraq onyŋ köpşılıgı halyqqa ūnamaitynyn aitady.
«Olardyŋ ışınde sotyŋ şeşımın jaqtyrmai, «Bızdı kelısımge äkeldı. Bıraq bız basqa instansiiaǧa jügıne almaimyz. Şeşım endı özgermeidı» dep aityp jatady. Menıŋ oiymşa, sol üşın mediasiiany iaǧni kelısımge keludı sottar mölşerlep qoldanuy kerek. Eŋ aldymen sottyŋ moraldık prisipterı joǧary boluy kerek. Mysaly korupsiiadan aulaq bolyp, būrynǧy biler aitqandai «Tura bide tuǧan joq» degen qaǧidany basşylyqqa alu qajet. Qazırgı taŋda sottyŋ ädılettılıgı turaly köp aitylyp jatyr. Ökınışke qarai bız ol maqsatqa älı jete almai jatyrmyz», – deidı ol.
Şyny kerek barlyq deŋgeidegı sottar täuelsız, aşyq jäne käsıbi bolmasa, zaŋ üstemdıgın qamtamasyz etu mümkın emes. Sondyqtan köp ūzamai sottardyŋ märtebesı men qyzmetıne qatysty tiıstı zaŋdarǧa özgerıs engızıledı.
«Qazırgı taŋda ekınşı instansiianyŋ küşın köbeitıp jatyr. Olar būrynǧydai ıstı qarap, sonan soŋ bırınşı instansiiaǧa «Dūrys emes» dep qaitaryp jıberetın. Endı olar ondai jaǧdailar bolsa, ony tolyq özı qarauǧa qūqyǧy bar. Ekınşı sot daiarau mäselesı boiynşa biyldan bastap sot törelıgı akademiiasy Joǧary sottyŋ qol astynnan Joǧary sot keŋesıne ötedı. Būl öte dūrys şeşım. Sebebı sot ol tek qana sot törelıgın jürgızumen ainalysu kerek – deidı Ermek Abdurasulov.
