Aqmola oblysynda kölık ışınen tabylǧan ekı er adamnyŋ neden ölgenı anyqtaldy

Aqmola oblysynda kölık ışınen tabylǧan polisiia qyzmetkerı men beibıt tūrǧynnyŋ neden ölgenı belgılı boldy, dep habarlaidy "Adyrna" ūlttyq portaly. «5 nauryz künı saǧat 8.05-te Esıl audandyq polisiia bölımıne Esıl avtojuu mekemesınıŋ aumaǧynda Audi A6 avtokölıgınıŋ salonynan ekı jıgıttıŋ mäiıtı tabylǧany turaly aqparat tüstı. Azamattardyŋ tünde kölıgın kölık juu ornyna aparyp, ūiyqtap ketkenı anyqtaldy», - dep habarlaidy Aqmola oblysy IID baspasöz qyzmetı. Zorlyq-zombylyq ızı tabylmaǧany atap ötıldı. Saraptama taǧaiyndaldy. Aldyn ala mälımet boiynşa,  azamattar kömırtegı totyǧynan ulanu sebebınen qaitys boldy delınedı. Aqmola oblystyq polisiia departamentınıŋ baspasöz qyzmetı marqūmdardyŋ bırı Esıl audanynda polisiia qyzmetkerı ekenın rastady. Belgılı bolǧandai, qaitys bolǧan polisiia serjanty uaqytşa ūstau izoliatorynda jūmys ıstegen. Būǧan deiın Aqmola oblysynda ekı er adamnyŋ kölık ışınen ölı tabylǧany turaly habarlaǧan bolatynbyz.