Pavlodardaǧy ortalyq köşenıŋ «Täuelsızdık» atauy «Nursultan Nazarbaev» bolyp özgertılgenı künı keşe edı. Jergılıktı bilıktıŋ jūrtşylyq pıkırın eskermei qabyldaǧan şeşımı türlı äleumettık toptardyŋ arasynda narazylyq köŋıl küiın tudyrdy. Sol kezdıŋ özınde «Täuelsızdık» atauynan ümıt üzbei, qaitaruǧa talpyndyq.
https://adyrna.kz/post/15958?
fbclid=IwAR1EyoJy8nwuoFIaQO0LAjoqkkbCxmCxXVujnKCgcaIupkCr1mBZYdxxLNM
Amal ne, äkımdıktegı aq jaǧaly ūlyqtar ünımızdı estıgen joq! Pavel patşazadanyŋ atyna qoiylǧan Pavlodar atauyn özgertu, köşelerge «Alaş», «Jeltoqsan» ataularyn beru mäselelerın de kün tärtıbıne qoiǧan emes. Söitken bilık endı ortalyq saiabaqqa «Qazaqstan halqy Assambleiasy» degen atau beru mäselesın qolǧa aldy! http://pavlodarnews.kz/index.php?id=25062
Elımızdıŋ eŋ ūly qūndylyǧy – Täuelsızdık! Täuelsızdıkten artyq qasiettı ūǧym joq! Täu eter jalǧyz kiemız – Täuelsızdık! Qazaqstan halqy Assambleiasy bolsa – Täuelsızdıktıŋ arqasynda düniege kelgen köp qūrylymdardyŋ bırı ǧana.
Endeşe ortalyq saiabaqqa «Täuelsızdık» atauy berılıp, qala tūrǧyndaryna qasiettı atau qaitaryluy kerek. Eger ondaǧy alleialardyŋ bırı «Qazaqstan halqy Assambleiasy» atalsa qūba qūp.
Şyraily Şymkenttıŋ körıktı oryndarynyŋ bırı Täuelsızdık saiabaǧy ekenın Pavlodar oblysynyŋ äkımı, oblys Qazaqstan halqy Assambleiasynyŋ töraǧasy Bolat Baqauov myrzanyŋ esıne salamyz.
Arman QANİ, Pavlodar qalasy
Fotosuret http://pavlodarnews.kz saitynan alyndy.
"Adyrna" ūlttyq portaly.
