Qazaqstanda tuńǵysh ret Naılıa Bazanova atyndaǵy ǵalym áıelderge arnalǵan Ulttyq ǵylym akademııasynyń marapaty taǵaıyndaldy. Bul marapat otandyq ǵylymnyń odan ári damýyn yntalandyrý maqsatynda daıyndaldy, dep habarlaıdy «Adyrna» tilshisi.
Ulttyq ǵylym akademııasynyń Prezıdenti Aqylbek Kúrishbaev ǵylymdy damytýda arýlardyń úlesi orasan zor ekenine toqtala kele, ǵalymdardyń jalpy sanynyń 60%-ǵa jýyǵyn quraıtynyn aıtty.
Shara barysynda Prezıdent janyndaǵy Qazaqstan Respýblıkasynyń Ulttyq ǵylym akademııasy ǵalym arýlardyń eńbegin joǵary baǵalap, saltanatty jaǵdaıda Qurmet gramotalarymen marapattady.
Jıynǵa elimizdiń ár óńirinen 70-ten astam jetekshi ǵalym-áıelder qatysty. Osy saltanatty sharaǵa R.B.Súleımenov atyndaǵy Shyǵystaný ınstıtýtynyń bas ǵylymı qyzmetkeri, t.ǵ.d., professor, QR UǴA korrespondent-múshesi Merýert Ábýseıitova qatysyp, Qurmet gramotasymen marapattaldy.
