Qazaqstannyń Ulttyq qaýipsizdik komıteti (UQK) Reseı Federaldyq qaýipsizdik qyzmetiniń (FQQ) arnaıy jasaq jaýyngerleri eki qazaqstandyqty atty, dep habarlaıdy "Adyrna" ulttyq portaly.
«Buqaralyq aqparat quraldarynda Reseı Federaııasynda terakt uıymdastyrý áreketi kezinde eki Qazaqstan azamatyn reseılik kúsh qurylymdarynyń joıǵany týraly aqparat jarııalandy. Ol adamdarda Qazaqstan azamattyǵy bar ekendigi jáne bul tulǵalardyń Reseıge ketkeni rastaldy. Bul fakti boıynsha Ulttyq qaýipsizdik komıteti sotqa deıingi tergeý júrgizip jatyr. Tekserý árekettestiktiń qoldanystaǵy arnalary aıasynda reseılik FQQ-men tyǵyz baılanysta júrgizilýde», - dedi UQK senbide.
Buǵan deıin Reseı FQQ arnaıy jasaǵymen bolǵan yqtımal atysta eki qazaqstandyqtyń qaza tapqany belgili bolǵan. Reseıdiń arnaıy qyzmetteri olardy Máskeýdegi sınagogada terakt uıymdastyrýǵa árekettendi dep kúdiktenip, er adamdardy «Vılaıat Horasan» tobynyń músheleri («Islam memleketiniń» Aýǵanstandaǵy qanaty, Qazaqstanda tyıym salynǵan terrorıstik uıymnyń bólimshesi) dep atady.
