Qazaqtyŋ auyldaǧy qara balasynyŋ auyldan qalaǧa kelıp ısteitın jūmysy qūrylys jūmysy ekenın sızder jaqsy bılesızder. Ökınışke orai, küzet, taksi, qūrylys jūmystaryn bıreuge jaldanyp atqaru qazırgı kezde qazaq balasynyŋ enşısıne qalyp otyr. Auyldaǧy jaǧdaidy özderıŋız jaqsy bılesızder. Mūǧalım men därıgerge ǧana jūmys taba alasyz. Onyŋ özınde talasyp, tartysyp, qolyŋdaǧy bırnärsenı auzyna salyp baryp, äiteuır bır vakansiiany alasyz. Eldıŋ balasynyŋ bärı de eptı emes. Eptı adamnyŋ qai jerde bolsyn jūmystyŋ retın tauyp, ıstep ketetının de moiyndau kerek. Ondai azamattar menıŋ ainalamda tabylady.
Menıŋ taŋ qalatynym, bızdıŋ qūrylys salasynda qaptaǧan türıkter tolyp jür. Menıŋ ışım aşityny, osy türıktıŋ qai qaisysyna bolsa da joǧary kategoriialy qūrylys firmalary jūmystaryn tapsyryp tastaidy. Al būlar qazaqtyŋ qara balasyn jūmysqa salyp qoiyp, özderı arada deldal bolyp, qaltasyn aqşaǧa toltyryp jür. Astanany da, basqa qalalardy da qazaqtyŋ qara balasy men jer astyndaǧy qara mūnaiy salyp jatyr. Qaltasy aşqaǧa tolǧan būlar bızdıŋ qazaqtyŋ qyzdaryna ölgenşe qūmar. Özderınıŋ keŋsesınde otyrǧan qazaqtyŋ qyzdarynyŋ bärın soŋynan ertıp alyp ketedı. Bızdıŋ būl jelıkpeler türıkterdıŋ soŋynan erıp jüredı. Qaltasynda aşqasy bar adamnyŋ soŋynan ketu qazır bızdıŋ keibır qyzdarǧa ar da, namys ta emes. Kafede közıŋ tüsse qanyŋ basyŋa şabady.
Būl menıŋ közben körıp jürgenım. Qazır qazaqtyŋ balasynyŋ qolynan kelmeitın tırlık joq. Bıraq tek jaldamaly ǧana bolyp jür. Ai, aŋqau qazaqtyŋ balasy-ai! Qazaqtyŋ balasy qazır arhitekturalyq qūrylys nysandarynyŋ kez kelgenın salyp, injenerlık esepterın jasap bere alady.
Al mynau, türıkter men orystıldılerdıŋ bılımınıŋ qai deŋgeide ekenın men özım közben körıp, jūmys basynda aq tekserıp tastaimyn. Myŋqyldap eşnərse de aita almaidy. Tük te bılımı joq. Bastary köp närsege de jetpeidı. Būlar tek qazaqtyŋ balasyn qara jūmysqa jaldap, ortada deldaldyqpen aqşa tabudyŋ ǧana şeberı eken. Dünie alma kezek. Jıgıtter, tek qana örkeniet jolyna ǧana oianyŋdar. Mynau qaŋǧyǧan kelımsekterdı bılımderıŋmen, ıskerlıkterıŋmen, äreketterıŋmen, namyspen barlyq saladan yǧystyryp şyǧara alasyŋdar. Senderde būl qabılet bar. Qūrylysty da, mūnaidy da, ekonomikany da, qarjyny da öz qoldaryŋa aludy josparap, taktikalyq jolmen jūmys jasaŋdar. Sonda namystaryŋ da, jıgerlerıŋ de, tūǧyrlaryŋ da qūlamaidy. Senderdıkı tek aŋqaulyq qana. Men de injenermın. Bırneşe kompaniiany aralap körıp, kelısım şart jasau üşın söilesıp jürmın. Aradaǧy qaŋǧybas kelımsek posrednikterge aldanbaŋdar. Özderıŋnıŋ nesıbelerıŋe qaidaǧy bır qaŋǧybastardy serık qylmaŋdar. Būl senderdıŋ ǧana emes, bala şaǧalaryŋnyŋ da nesıbesı. Būl senderdıŋ qoldaryŋnan keledı. Qolynan keltırıp jürgen nar jıgıtterdı de közımmen körıp jatyrmyn. Qyzdarǧa ege bolyŋdar. Olardy dūrys qamtamasyz etıŋder. Bızdı bügınnen bastap örkeniettı sana, ǧylym men bılım, jıger men mınez, naqty äreket qana barlyq būǧaudan alyp şyǧady.
Bekbolat QARJAN
"Adyrna" ūlttyq portaly
