Pavlodar oblysynda aýdan ákiminiń uly oqýshy qyzdy soqqyǵa jyqqan. Aqparatty Bilim mınıstrligi rastady, - dep habarlaıdy "Adyrna" ulttyq portaly.
Ortalyq kommýnıkaııalar qyzmetinde ótken brıfıngte jýrnalıst bilim vıe-mınıstri Edil Ospannan osy jaǵdaıǵa qatysty mán-jaıdy surady:
«Pavlodar oblysynda aýdan ákiminiń uly mektep qabyrǵasynda qyzdy uryp-soǵyp, murnyn syndyrǵany týraly aqparat jelide paıda boldy. Qyzdyń anasy durys tárbıe bermegeni úshin ákimshilik jaýapkershilikke tartyldy. Osy jaǵdaıǵa qatysty pikirińizdi tyńdap, bilgim keledi. Nelikten qyzdy urǵan ul men onyń ata-anasy jaýapqa tartylmady» degen suraq qoıyldy.
Bilim vıe-mınıstri bul derekti rastady.
«Iá, shynynda da mundaı fakt bolǵan. Men barshaǵa aıtqym keletini, biz áleýmettik jelilerde paıda bolǵan árbir jaǵdaıdy muqııat tekserip, tıisti memlekettik organdarǵa habarlaımyz. Osy faktige súıene otyryp, men qazir tergeý júrip jatqanyn, tıisinshe shara qoldanylatynyn habarlaımyn. Týystyq baılanysqa qatysty aıtar bolsam, meniń bilýimshe týystyq baılanystyń bar ekeni rastaldy», - dedi Ospan.
Aqparatqa balalar quqyǵyn qorǵaý komıteti tóraǵasynyń orynbasary Iýlııa Ovechkına da túsinikteme berdi. Onyń aıtýynsha, janjal aǵymdaǵy jyldyń qańtar aıynda Pavlodar oblysyndaǵy mektepterdiń birinde bolǵan.
"Shynymen de, bul fakt oryn aldy. Ol aǵymdaǵy jyldyń qańtar aıynda tirkelgen. Bizge belgili bolǵandaı, búginde is kámeletke tolmaǵandar isteri jónindegi sotta qaralyp jatyr, balanyń ata-anasyn ákimshilik jaýapkershilikke tartý boıynsha jınalys ótip úlgerdi", - dedi ol.
Aıta keteıik, buǵan deıin áleýmettik jelide zardap shekken qyzdyń anasynyń úndeýi shyqqan bolatyn. Polıeıler jaǵdaıdy anyqtap, Pavlodarda 7-synyp oqýshysy men 6-synyp oqýshysy arasynda janjal bolǵanyn habarlady. Oqıǵa saldarynan qyz aýrýhanaǵa jatqyzyldy. Polıeıler balanyń áreketin densaýlyqqa qasaqana jeńil zııan keltirý dep baǵalaǵan. Is materıaldary sotqa joldandy.
Sondaı-aq, qalalyq máslıhat depýtaty Gúljaına Dárimova atalmysh kıkiljińge qatysty kishkentaı qyzdy «balany sondaı emoııaǵa jetkizgen ózi» dep aıyptaǵan bolatyn.
