Astana qalasyndaǧy «Jekpe-jek» saraiynda Maqsut Narikbayev University özınıŋ 30 jyldyǧyna orai saltanatty ıs-şara ötkızdı. Būl maŋyzdy oqiǧa universitettıŋ būrynǧy jäne qazırgı professorlaryn, oqytuşylaryn, tülekterın jäne qyzmetkerlerın bırıktırdı. Atalǧan merekelık ıs-şaraǧa 5 myŋnan astam qonaq qatysty. Al keştıŋ hedlainerlerı qazaqstandyq estrada jūldyzdary Raim jäne Kalifarniya boldy.
Sondai-aq keş baǧdarlamasy aiasynda – universitet tuynyŋ aşylu räsımı öttı. Tudyŋ audany 850 şarşy metrdı qūrady, atalǧan atribut universitettıŋ bılım beru jäne qoǧamdyq keŋıstıktegı küşı men maŋyzdylyǧyn körsettı.
Şara aiasynda mektepter arasynda jarystyq doda ötkızıldı. Būl saiysta universitettegı tört mektep jäne äkımşılık-basqaru personaly «Universitettı üzdık qūttyqtau» ataǧy üşın özara talasty.
Bügın bız universitetımızdıŋ 30 jyldyq mereitoiyna orailastyrǧan öte maŋyzdy oqiǧaǧa jinaldyq. 30 jyl öte az siiaqty körıngenımen, bızdıŋ qyzmetkerler, oqytuşylar jäne tülekterımızdıŋ arqasynda universitetımız eleulı nätijege jetıp, ülken joldan öttık. Özderıŋız bıletındei, bızdıŋ basty missiiamyz – el müddesıne qyzmet etu. Osy oraida atalǧan qaǧidatymyzdy oryndau üşın qajyrly eŋbek etken ärbır MNU müşesıne şyn jürekten alǧysymdy bıldıremın», - dedı Basqarma Töraǧasy Talǧat Närıkbaev.
Aita ketu kerek, qatysuşylar būl şaraǧa üş ai boiy daiyndalǧan. Universitettı üzdık qūttyqtau baiqauynda Joǧary qūqyq mektebı jeŋıske jettı. Studentter men oqytuşylardyŋ bırlese ūsynǧan şyǧarmaşylyq önerlerı qazylar alqasynyŋ joǧary baǧasyna ie boldy.
Maqsut Narikbayev University tarihy 1994 jyly 14 nauryzdan bastau alady. Osy uaqyt ışınde universitet öz missiiasyna sai, iaǧni Qazaqstan halqyna qyzmet etudı basty qaǧidaty sanaityn 40 myŋǧa juyq bılıktı mamandar daiyndap şyǧardy. Maqsut Narikbayev University Qazaqstanda bılım berudıŋ halyqaralyq deŋgeiın ūsyna otyryp, elımızdıŋ universitetterı arasynda köş bastap tūr. 30 jyl ışınde universitet bırneşe ırı jetıstıkterge qol jetkızdı. Atap aitqanda, TMD-da bırınşı bolyp QAA akkreditasiiasyna ie boldy, ACCA, CFA, CIMA, TOLES sertifikattaryn aldy, sondai-aq BIG4-te jūmyspen qamtu boiynşa üzdık top-5 universitet qūramyna endı. Onymen qosa, universitettıŋ bılım beru baǧdarlamalarynyŋ köpşılıgı FIBAA halyqaralyq agenttıgımen akkredittelgen.
