Máskeýdegi Krokýs Sıtı Holldaǵy terakt kezinde eki qyrǵyzstandyq áıel joǵalyp ketti. Bul týraly áleýmettik jelilerde jarııalandy, dep habarlaıdy “Adyrna” ulttyq portaly 24.kg saıtyna siltep.
24 jastaǵy Edıta Júsipova men 20 jastaǵy Maıza Gúljigitqyzy Crocus City Hall konerttik ortalyǵyndaǵy dámhanalardyń birinde jumys istegeni aıtylady.
Qyrǵyzstannyń Syrtqy ister mınıstrligi bul aqparatty rastady. Olar qyzdardy izdeýde.
Esterińizge sala keteıik, 22 naýryzda Máskeý túbindegi Crocus City Hall ǵımaratynda terakt boldy. Mýzykalyq toptyń konertine myńdaǵan adam keldi. Aldyn ala málimetter boıynsha, ǵımaratqa betperdesiz kamýflıaj kıgen belgisiz úsh er adam kirip, adamdardy oq atýǵa kirisken.
Máskeý oblysynyń densaýlyq saqtaý mınıstrligi lańkestik áreketten úsh balanyń qaza tapqanyn habarlady. Jalpy, Reseıdiń Tergeý komıtetiniń málimetinshe, Crocus City Hall-da bolǵan teraktide qaza tapqandar sany 115 adamǵa deıin ósti. Izdeý jumystary jalǵasýda.
