Ulytaý jurty jylqylardyń ólekselerin jınap jatyr, dep habarlaıdy "Adyrna" tilshisi.
Bul týraly Ulytaý oblysy ákimdiginiń baspasóz qyzmeti habarlaǵan.
Ulytaý oblysy Jańaarqa aýdanynda mal ólekselerin tazalaý jumystary júrgizilýde. Búginde 1367 jylqynyń óleksesi jınalǵan.
"Búgingi tańda 1367 ólekse jınaldy. Dalada tabylǵan jylqylardyń ıelerin jáne ólgen mal basynyń sanyn anyqtaý jumystary áli de jalǵasady. Veterınarııalyq-sanıtarııalyq qorytyndyǵa sáıkes, jylqy malynyń indetten emes, ashtyq pen qatty aıazdyń saldarynan ólgeni naqtylandy", – delingen ákimdik habarlamasynda.
