Köktemgı su tasqyny elımızdıŋ bıraz aimaǧyn äbıgerge saldy. Äsırese Abai, Aqtöbe jäne Qostanai oblystaryndaǧy jaǧdai kürdelı. Su tasqynynan zardap şekken otbasylarǧa«AMANAT» partiiasy «Jastar Ruhy» Jastar qanatynyŋ erıktelerı kömektesıp jatyr.
Jastar qanatynyŋ Aqtöbe oblystyq filialynyŋ töraǧasy Älışer Tynyştyqtyŋ aituynşa erıktıler elımızdegı tötenşe jaǧdailar kezınde eşqaşan şet qalmaǧan.
«Aimaqtardaǧy qazırgı ahual barşamyzǧa belgılı. Oblysymyzdaǧy jaǧdaidy bıle tūra, qol qusyryp otyra almadyq. Bır top erıktı Şūbarqūdyq auylyna jolǧa şyqtyq. Qardyŋ qarqyndy eruıne bailanysty bolǧan su tasqanynan zardap şekken tūrǧyndarǧa barynşa kömek körsetuge daiynbyz», - deidıÄ. Tynyştyq.
Al Qostanai oblysyndaǧy Ekıdıŋ auylynda kömek körsetıp jürgen erıktılerdıŋ bırı – Abzal Nūridin.
«Mūnda 12 üidı su basyp qalǧan. Erıktıler evakuasiialau jūmystaryna atsalysyp jatyr», - deidı ol.
«Jastar Ruhy» Jastar qanatynyŋ töraǧasy Aqerke Eskendırovanyŋ aituynşa, bükıl el boiynşa 100-den astam volonter ortaq ıske jūmyldyrylǧan.
Bır jaǧadan bas, bır jeŋnen qol şyǧaryp su tasqynynyŋ alǧaşqy saǧatynan-aq jergılıktı tūrǧyndarǧa kömek berudemız. Byltyr Abai oblysynda bolǧan ört kezınde de bar kömegımızdı aiamaǧanbyz. Jastar qanatynyŋ volonterlerı ärdaiym halyqqa kömek beru ısınde alǧy şepte dep aita alamyn. Qazırgı taŋda Qostanai, Abai, Aqtöbe jäne basqa da su alyp jatqan aimaqtarda bızdıŋ bırneşe volonter kömek körsetude», - dedı ol.
«Jastar ruhy» Jastar qanaty jasaqtaǧanvolonterler toby qardyŋ eruı men topyraqtyŋ jıbuı saldarynan bolǧan su tasqynynanzardap şekken jäne evakuasiialanǧantūrǧyndarǧa belsendı kömek körsetıp bermek.
