«Aq jol» Zeinetaqy qoryndaǧy kelesı alaiaqtyqty tekserudı talap ettı – osyndai hat bügın QR Premer-Ministrınıŋ Bırınşı orynbasary-Qarjy ministrı Älihan Samiylovqa joldandy. Söz azamattardyŋ zeinetaqy qoryndaǧy aqşasyn saqtau men onyŋ aşyqtyqtyǧy turaly qozǧaldy, sebebı Bıryŋǧai jinaqtau zeinetaqy qory qūrylǧannan keiın, keibır jekemenşık zeinetaqy qorlary bolaşaq zeinetkerlerdıŋ aqşasyn jūmsap, olardy qaitarmaǧany belgılı boldy.
Mysaly, Bıryŋǧai jinaqtau zeinetaqy qorynyŋ resmi saityndaǧy aqparatqa säikes (https://www.enpf.kz/ru/.about/press-center/media-about-fund/?ELEMENT_ID=2856), 2017 jyldyŋ tamyzynda qor basşylyǧy tört milliard teŋge somasyn qaitaru boiynşa merzımın ötkızıp aluǧa bailanysty «İmstalkon» AQ lauazymdy tūlǧalaryn qylmystyq jauapkerşılıkke tartudy talap etıp, qūqyq qūrǧau organdaryna ötınış jazǧan. Is QR Qarjy ministrlıgınıŋ Ekonomikalyq tekserıs departamentınde jatyr.
«Būdan berı 2 jyl ötkenımen, qoǧam halyqtyŋ milliardtaǧan aqşasy ne bolǧany, olardyŋ tiıs deŋgeide qoldanylmauyna kım jauapty ekendıgı jäne onyŋ qaitarylymy jönınde habarsyz.
Mäsele zeinetaqy qorynyŋ qarajaty – memleket şeşımımen mındettelgen salymy jönınde ekenın qaitalap öteiık, iaǧni memleket halyq aldynda jai jauapty ǧana emes, ol salymşylarǧa qor turaly tolyq ärı naqty aqparat beruge mındettı», - delınedı hatta.
«Aq joldyŋ» pıkırınşe, «İmstalkon» jönınde taǧy bır eskeretın jait bar. Būqaralyq aqparat qūraldarynyŋ jariialanymdaryna qaraǧanda, aty şuly ıske kompaniianyŋ üş negızgı aksionerınıŋ ekeuı ǧana küdıktı dep tanylǧan – direktorlar keŋesınıŋ töraǧasy Serık Esmūqanov pen bas direktor Vladimir Kananyhin. Al üşınşı aksioner Mihail Rezunov älı de qūrylys firmasyn basqaruda, iaǧni aqşanyŋ joǧaluyna bailanysty eş qatysy joq degen söz. Üşınşı küdıktı dep, ekonomikalyq josparlau bölımı basşysynyŋ orybasary (basşysy da emes), iaǧni qol qoiu qūqyǧy joq jäne materialdy jauapkerşılıkke ie emes tūlǧa – İrina Kovchegova tanyluda. Osyǧan bailanysty jürgızılıp jatqan tergeu jūmystarynyŋ ädıldıgı kümän tuǧyzady.
Sondai-aq, «İmstalkon» AQ-nyŋ BJZQ qarajatyna bailanysty aila äreketı turaly jurnalisterdıŋ maqalasy («Vremia» gazetı) azamattyq sotta kelısılgen joq. Sot şeşımıne säikes, kompaniianyŋ lauazymdy tūlǧalaryna bailanysty eşqandai qylmystyq ıs qozǧalmaǧan bolyp şyqty!
Mynadai qyzyq jaǧdai oryn alǧanyn köremız: Bıryŋǧai jinaqtau zeinetaqy qory BJZQ salymşylarynyŋ qūqyǧyn qorǧau talabymen qūqyq qorǧau organdaryna jügıngen, tergeu jūmystary ekı jylǧa sozyluda, al būl mäselege nazar audarǧan jurnalisterdı sot arqyly ündemeuge mäjbürleidı.
Degenmen olardyŋ qoiǧan sūraqtaryna jauap berıluı tiıs. Jäne ne sebeptı tört milliard teŋgenıŋ joiyluy turaly tergeu ısınıŋ sonşalyqty sozylyp jatqany tüsınıksız, būl Ekonomikalyq tekserıs departamentı qyzmetkerlerınıŋ sylbyrlyǧy ma, älde basqa da bır subektivtı faktorlarǧa bailanysty ma? Mümkın ıs BJZQ qarajatynyŋ joǧaluyna tıkelei bailanysty tūlǧalardy kelısılgen merzımınen bosatyp, kelesı amnistiianyŋ kütıluınen şegerelıp jatqan bolar? Ökınışke qarai, qoǧam osyndai pıkır de bıldırude.
Osyǧan bailanysty, «Aq jol» fraksiiasy Qarjy ministrlıgınen osy ıstıŋ barysy turaly mynadai aqparattardy sūrady: kımderge aiyp taǧyldy; eger aiyp eşkımge taǧylmasa, ne sebepten taǧylmady; «İmstalkon» tört milliardtyq qaryzyn Bıryŋǧai jinaqtau zeinetaqy qoryna qaitara ma.
Aita ketetın jait, «Aq joldyŋ» bastamasymen 2017 jyly bankrotqa ūşyraǧan Äzırbaijan bankınıŋ baǧaly qaǧazdaryn satyp aluǧa BJZQ qarjysy paidanǧany turaly alaiaqtyq ıs äşkere bolǧan-tyn. Būl oqiǧadan soŋ, Peruaşevtıŋ äleumettık baspana salu turaly ūsynystary BAQ men äleumettık jelılerde būrmalanyp, «aqparattyq şabuyl» jasalǧan bolatyn.
«Aq jol» partiiasynyŋ deputattary sybailas jemqorlyqqa qarsy küreske, şetelge zaŋsyz aqşa şyǧaryluynyŋ aldyn aluǧa, memlekettık organnyŋ basqaruyndaǧy qarajattyŋ ūqypty paidalanu boiynşa jūmystaryn jalǧastyruda.
«Aq jol» partiiasynyŋ baspasöz qyzmetı
